Isikiyɛli 35:7 - ALLALA KUMƐ

⁷ N si Idɔm kɔnkɔ-nyamanɛ ma nyamani-tinyanɛ la. Mɔgɔ-wo-mɔgɔ wa tenbi nyɔ, n si a ma, a ni faga.

Isikiyɛli 35:7 ပူးပေါင်းရင်းမြစ်များ

Yɛrɛmaya 49:17

Mari ko kasarɛ min bi sigila Idɔm kɛnu na, wo ma si kilan. Hali min tenbi tenbila nyɔ, anu yigi si tɛgɛ kumakɔɛ bolo gbat!

Isikiyɛli 29:11

Mɔgɔ ti tagama nyɔ hali soge. San bi-nani dɛgɛdɛgɛ, nyɔ-rakolonyanɛ si to filili!

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 35:3

Nde, i Tigi Marita kumɛ latenbi anu ma ko Idɔm mɔgɛnu yogo-fin-bɛ le nde, Mari la. N si anuna nyamanɛ ma nyamani-halakinɛ la pɔ!

Isikiyɛli 35:6

Woletɔ nde, Mari min bi n niyi la, n bara n keli n nyɛrɛ rɔ ko anuna ban le sayɛ la, ado anu ti ke anu kunyɛ bɔla wo kɔrɔ. Anu ya mɔgɛnu faga min kɛ, fagalɛ ti bɔ anu denu denu fɛ.

Isikiyɛli 35:8

N si kɔnkɛnu yamatogon furinu na. Minnu kunyɛ tora kɛlɛ rɔ, kɔni, wonu furi ranyɛnsɛnnɛ si to kɔnkɛnu anubɛ lɛɛnu tɔ.

Isikiyɛli 35:9

N si a ma nyamani-halakinɛ la tolon, ado mɔgɔ-wo-mɔgɔ ti sigi ala soenu tɔ tun! Wo wa ma tumɛ min, anu si a lɔn wo le ma ko Mari le nde la.

Malakayi 1:3

kɔnɔ Isɔ anubɛ a kegeyɛ ma di a ye. A ko a ara Isɔla kɔnkɔ-nyamanɛ tinya ka nyɔ ma fira-wulinu-halalɛ la.