Isikiyɛli 35:6 - ALLALA KUMƐ

⁶ Woletɔ nde, Mari min bi n niyi la, n bara n keli n nyɛrɛ rɔ ko anuna ban le sayɛ la, ado anu ti ke anu kunyɛ bɔla wo kɔrɔ. Anu ya mɔgɛnu faga min kɛ, fagalɛ ti bɔ anu denu denu fɛ.

Isikiyɛli 35:6 ပူးပေါင်းရင်းမြစ်များ

Aiseya 34:3

Anu togonna fenfen ti taran. Anu tulinɛ si to sani fɔ anu sumɛ min bi bɔla. Kɔnkɛnu si wulen anu yele bolo.

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Isikiyɛli 32:6

N si a yele rawuya furr, ha a ni ma gboron-gboronna-yi la kɔnkɛ bɛɛ ma.

Isikiyɛli 35:7

N si Idɔm kɔnkɔ-nyamanɛ ma nyamani-tinyanɛ la. Mɔgɔ-wo-mɔgɔ wa tenbi nyɔ, n si a ma, a ni faga.

Hɔbadaya 1:15

Sibolenu kiti-sa-koe ara gbɛrɛn ale Mari bolo. Wole Idɔm mɔgɛnu bara min ma, a ko anu si na wo nyɔgɔn sigi wole fanan na, yɔ! Wo ya min nyɔgɔn ma, a ko a ye wo le nyɔgɔn mala wo la.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Lankɛnimayɛ 18:24

Babilɔn tɔrɔta bawo nɛbinu yele anubɛ Allata mɔgɛnu yele taranta soe wo burɔ. Ɔnde, min bɛɛ fagara dugu-kole kuma, wonu yele taranta soe wo burɔ.

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.