Isikiyɛli 35:4 - ALLALA KUMƐ

⁴ N si Idɔm so-kunbɛnu ma tonbɔn la. N si ale nyamanɛ kasara pɔ! Wo wa ma tumɛ min, anu bi a lɔnna wo le ma ko Mari le nde la.

Isikiyɛli 35:4 ပူးပေါင်းရင်းမြစ်များ

2 Ko-Kɔrɔta-Karan 18:16

Nba, Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-kandanna sa sagɛ minnu kun na. Mari ara a fɔ n ye ko anu yisi-kimanɛ ni sɛgi anu barɛ bawo kun-tigi sa anu kun na.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Isikiyɛli 35:12

Idɔm kɛnu bara a fɔ nun ko Isirɛla kɔnkɛnu mara nyamani-tinyanɛ la. Anu bara a fɔ fanan ko anu denu denuta ye wonu na. N ba anu tɔrɔ, anu si a lɔn wo le ma ko nde, Mari nyɛrɛ ya anu yen de a fɔla.

Isikiyɛli 35:15

iko anu sewara Isirɛlala buiyila ko la nya min, n halala-nyamanɛ, kɔni. Idɔm kɔnkɔ-nyamanɛ bɛɛ si ma nyamani-kasaranɛ la. Wo kɔma, bɛɛ si to a lɔnna ko Mari le nde la.”

Isikiyɛli 35:9

N si a ma nyamani-halakinɛ la tolon, ado mɔgɔ-wo-mɔgɔ ti sigi ala soenu tɔ tun! Wo wa ma tumɛ min, anu si a lɔn wo le ma ko Mari le nde la.

Yowɛli 3:19

Mari ko Iyipiti si ma wula-da-rakolɔn la. Idɔm si ma nyamani-kasaranɛ la. Wo ye mala bawo anu nara bui Yuda nyamanɛ ma ka mɔgɔ-magbalanɛnu faga nyɔ.