Isikiyɛli 34:27 - ALLALA KUMƐ

²⁷ Anuna kɔlɔmanu si gbɔ, anuna sɛnɛnu si sabati. Bɛɛ si sigi a halala-dugi rɔ lafɛrɛ rɔ. N ba yɔlɔkɛnu tatɛgɛ nta mɔgɛnu ma tumɛ min ka anu hɔrɔya yɔɔn-tiginu ma, anu bi a lɔnna wo le ma ko Mari le nde la.

Isikiyɛli 34:27 ပူးပေါင်းရင်းမြစ်များ

Yobu 5:23

Hali kuri, i ti a taran ila wɔli-kɛ-tinɛ rɔ. Sogo-feremɛnu ti i kɛlɛ.

Yaburi 67:6

Ma ara dɔn-fen-siyaman sɔrɔn ka bɔ mala dugi rɔ. Ma ye Alla min batola, wo ara ata duwɛ layigi ma kuma.

Yaburi 85:12

Mari si ma lasabati, ado mala duginu si nɔrɔn ki-fannu kɔrɔ.

Hɛnkilimaya-Kumɛnu 3:24

I wa i sa suyi rɔ, i ti kilan. I si kinɔgɔ i fanbolo.

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 23:4

Mari ko ale nyɛrɛ-nyɛrɛ si kun-tiginu yabɔ ata mɔgɛnu tɔ minnu si anu fɛ-bira. Anu ti kilan tun. Anu kuma ti kɔ. A ko a ti anu tɔrɔ tun. Mari kan le kɛ la.

Yɛrɛmaya 25:14

Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 30:8

Mari Sɛnbɛ-Bɛɛ-Tigi ko wo tumɛ wa ke, sara-ninki kanma-kɔlɔma min bi wole, ala mɔgɛnu kan ma, a si wo bɔ wo kan ma anubɛ a yɔlɔkɛnu. Wo ti ma yɔɔnnu na sibolo-gbɛrɛnu ye tun!

Isikiyɛli 28:25

N Tigi Mari ya a fɔ ko, “N bara Isirɛla mɔgɛ minnu tanyɛnsɛn sibolo-gbɛrɛnu tɛma, n si wonu kundɛn Isirɛla nyamanɛ rɔ tun. Wo si a ma, sibole bɛɛ ni a lɔn ko n sɛnima. Isirɛla mɔgɛnu si sigi anu halala-dugi rɔ tun n ya min di nta wɔli-kɛla Yakoba ma, kɔni.

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 33:29

N ba ban mɔgɛnu tɔrɔla anu hakɛla ko la ka nyamanɛ tii, anu bi a lɔnna wo le ma ko Mari le nde la.”

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 34:29

N si wɔli-kɛ-tina-hakikɛ di anu ma alako dɔn-fan ni wara nyamanɛ rɔ. Sibolo-gbɛrɛnu yɛ ti tɛgɛ anu tɔ tun ka anu mayɛlɛn.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Isikiyɛli 36:30

N si a ma, anuna sɛnita-fannu anubɛ anuna ki-fannu ni sabati alako anu kana na yarabi sibole doi wonu yala kɔnkɔ-fitinɛ bolo.

Isikiyɛli 36:8

Kɔnɔ Isirɛla kɔnkɔrɔ-kɔlɔmanu si yanba-kun-nyimɛ anubɛ gbɔ-hakikɛnu nabɔ nta Isirɛla mɔgɛnu ye tun, ado a ti mɛ tun, Isirɛla mɔgɛnu si sɛgi anu barɛ.

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Isikiyɛli 39:28

Nde le ya anu don biralɛ rɔ nun, ado nde le nara anu na tun anuta nyamanɛ rɔ. Hali mɔgɔ-den-kelen ma to kɔma. Wo bɛɛ wa kɛ tumɛ min, nna mɔgɛnu bi a lɔnna wo le ma ko anuta Mari Alla le nde la.

Isikiyɛli 47:12

Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Hoseya 11:11

Wo burimatoe si na ka bɔ Iyipiti anubɛ Asiriya nyamanɛ rɔ iko kangbɔɛ. N si a ma, bɛɛ ni sigi a halala-soe rɔ. Nde, Mari nyɛrɛ kan le kɛ la.”

Hoseya 2:20

N si nta lanyiri latɔnbagaya ka ile Isirɛla ma n halalɛ la. I si n lɔn i Mari la.

Saraka-Masɔlɛnuta Tɔnnu 26:13

N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Saraka-Masɔlɛnuta Tɔnnu 26:4

N si bandɛ lana a tumɛ rɔ woletɔ wola ki-fannu si nanfa dugi rɔ a kilɛ fɛ. Wola kɔlɔmanu fanan si gbɔ-siyaman kɛ.

Saraka-Masɔlɛnuta Tɔnnu 26:6

“Wo si kinɔgɔ wo fanbolo. Mɔgɔ-wo-mɔgɔ ti ke wo makilanna. N si sogo-yogomɛnu nabɔ wola nyamanɛ rɔ. Wo ti kɛlɛ sɔrɔn tun wola nyamanɛ rɔ.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!