Isikiyɛli 34:26 - ALLALA KUMƐ

²⁶ “N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Isikiyɛli 34:26 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 68:16

Wole min bi bɛsi-kɔɛ kun na Basan kɔnkɛ ma, nfenna wo ye Allata mɔgɛnu makeliyala minnu bi a bato tinɛ a nyɛrɛta kɔnkɔ-yabɔnɛ ma? Ado nfan, Mari mayiginɛ nyɔ le habadan!

Yaburi 68:9

Dugi magbalata tumɛ min, i ya banda-yi-siyaman nana a kuma

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Aiseya 19:24

Wo wati wa ke, Iyipiti wo, Asiriya wo, Isirɛla wo, anu dama ra si kɛnya bɛrɛtɛ! Bɔnsɔn sawɛ kɛnu si ma duninya-dɛnbɛnɛ anubɛ duninya-kɔntɔ-diyalɛ la.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 32:20

mɔgɛnu sewanɛ si to. Yi-siyaman si taran wola ki-fannu kɔrɔ. Wola kolo-fannu de-nyini-fan si siyaya.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 34:14

N si a ma, anu nafɛrɛnɛ ni to anu de-nyinina kɔnkɔ-tɛma-lɛɛnu tɔ Isirɛla nyamanɛ mumɛ rɔ.

Isikiyɛli 34:29

N si wɔli-kɛ-tina-hakikɛ di anu ma alako dɔn-fan ni wara nyamanɛ rɔ. Sibolo-gbɛrɛnu yɛ ti tɛgɛ anu tɔ tun ka anu mayɛlɛn.

Isikiyɛli 36:8

Kɔnɔ Isirɛla kɔnkɔrɔ-kɔlɔmanu si yanba-kun-nyimɛ anubɛ gbɔ-hakikɛnu nabɔ nta Isirɛla mɔgɛnu ye tun, ado a ti mɛ tun, Isirɛla mɔgɛnu si sɛgi anu barɛ.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Saraka-Masɔlɛnuta Tɔnnu 25:21

San wɔrɔ nyɔgɛ wo ma, nde, Mari si dɔnta siyaman natasakara wo ma min si wo wasa san sawa kɔrɔ.

Saraka-Masɔlɛnuta Tɔnnu 26:4

N si bandɛ lana a tumɛ rɔ woletɔ wola ki-fannu si nanfa dugi rɔ a kilɛ fɛ. Wola kɔlɔmanu fanan si gbɔ-siyaman kɛ.

Sakaraya 10:1

Wo ni Mari matara ko a ni bandɛ lana a tumɛ rɔ, ado Mari ye a mala, bandɛ ye nala. Ale le ye bandɛ lanala hadama-dan ye alako ki-fannu ni ma-a-la wɔli-kɛ-tinɛnu tɔ.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Sakaraya 8:13

A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Tɔn-Fɔɛ-Fila-Nyɔgɛ 28:12

Wota Mari Alla si bandɛ lana a wati rɔ ka bɔ ala yi-bara-lafani-belebele-wɛ rɔ san-kole ma. Wo ye wɔlɛ minnu kɛla, ale si wɔlɛ wonu baraka, woletɔ sibolo-gbɛrɛkɛ-mɔgɛnu si ta wole wara dɔndɔ sa tinɛ kɔnɔ wole ti ta anu denu bara yili tɛgɛ tinɛ.