Isikiyɛli 34:18 - ALLALA KUMƐ

¹⁸ Sagɛ donu bi anu tɔ, wonu ti wasa bin-nɔrɔnni-dɔn la fɔ ka binyɛ toe wo tinya anu kian la. Anu ba ban yi minna, anu si yi wo dundunɛ to.

Isikiyɛli 34:18 ပူးပေါင်းရင်းမြစ်များ

Ko-Dabirɛnu 30:15

Liya ko, “I wara nna kei bi n bolo. Wo ma i wasa? A sɔgɛ ye i la i ni nna den-keila bɛsɛ fanan bi n bolo?” Resɛli ko, “Ni i ya n dɛnbɛ, n ni bɛsɛ wo sɔrɔn, mala kei si ki i warɛ bi.” A ya bɛsɛ wo di a ma.

2 Samuwɛli 7:19

Kɔnɔ hali wo, i ye sarama-kan kiri-koe rɔ mabɛ nna denbayɛ ye anubɛ minnu ma sɔrɔn bɛ. E, n Tigi Mari, alamɛ hadama-dan ni ko-nyimɛ kɛ iko ile.

Hɛnkilimaya-Kumɛnu 25:26

Ni mɔgɔ-nyimɛ kofura mɔgɔ-yoge ma ko-yogoma-kɛ tinɛ, wo mani de iko tenke min dundunɛ, ni wo ma, kɔlɔntɔ-yi min nɔgɔnɛ.

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Isikiyɛli 16:20

Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 32:2

A ko, “Ile hadama-dan, n sɛbɛna-kumɛ kɛ latenbi Iyipiti mansɛ ma. A fɔ a ye ko a ara a nyɛrɛ lɔn yarɛ la sibole doinu tɛma. Kɔnɔ a mani de dɔrɔn iko banbɛ min si yi ragbesi bɛ rɔ ka dundi tugu a kian la.

Isikiyɛli 34:19

Nna sagɛ toenu, fɔ anu ba bin-tinyanɛ dɔn ka yi-dundunɛ min anu kɔma.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Yilan-Yilan Koe 16:13

Ile Musa ara male labɔ Iyipiti nyamani-hakikɛ wo rɔ ka na male la wula-da-rakolɔn kɛ rɔ yan ma faga-koe le la, nyɛ? Wo ma a bɔ, wa? Kun-tigiyɛ di ile ye, nyɛ?

Yilan-Yilan Koe 16:9

Mari ya wole layɛlɛ ka tenbi Isirɛla mɔgɛ toe kɛnu na. Wole ye Marita wɔlɛ kɛla ata Fani-Bɔn la ka a mɔgɛ toe mumɛ madɛnbɛ, ado wo ye mɔgɛnu anubɛ Mari tɛma. Wo dɔgɔ wole yala, wa?

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Luka 11:52

“Gbalo ye wole tɔn-karan-mɔgɛnu kuma bawo da-nyin min bi hɛnkilimaya-bɔn lakala, wo ara wo dogon mɔgɛnu ma. Wole ti sɔn donna nyɔ, ado minnu bi a fɛ ka don, wo ara wonu nasɛgi!”