Isikiyɛli 34:16 - ALLALA KUMƐ

¹⁶ “Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 34:16 ပူးပေါင်းရင်းမြစ်များ

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Yaburi 72:2

Ni i ya wo ma, a ti lafisayalɛ kɛ ila mɔgɛnu kun na. A si bolo-kolɔnnu bira telenbagayɛ rɔ.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 5:17

Nba kaka, saga-dannu anubɛ baa-dannu si anu de-nyini tonbɔnnu tɛma.

Yɛrɛmaya 10:24

Mari, ila mɔgɛnu natelen ita telenbagayɛ la. Kɔnɔ i kana ma tɔrɔ ita fondo-bɔɛ la. Ni i ya wo ma, ma wara-koe si ka-a-la.

Yɛrɛmaya 23:15

Woletɔ Mari Sɛnbɛ-Bɛɛ-Tigi ye kɛ fɔla ka a tɛgɛ Yerusalɛm nɛbinuna ko la. A si dɔn-fen-kunanɛnu di anu ma. Wo kɔma, a si dawara-yi di anu ma. A ko a ye wo mala le bawo anu bara nyamanɛ mumɛ bɛɛ latinya anuna wunduyogoyɛ la.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 50:11

Mari ko Babilɔn kɛnu bara bui ala nyamanɛ ma ka a raku. A ko anu sewanɛ iko ninki tenbi kala-nɔrɔn rɔ. Anu nyagalennɛ iko soee wa ke gbere-kole ma.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Yɛrɛmaya 9:15

Nba, Mari Sɛnbɛ-Bɛɛ-Tigi, Isirɛlata Alla ko a ti mɛ tun, wole Yuda kɛnu ni dɔn-fen-kunanɛ dɔn ka wo min dawara-yi la.

Isikiyɛli 20:34

N ba anu nadɛn kan-tina-kelen tumɛ min ka bɔ nyamani-gbɛrɛkɛnu tɔ anu tanyɛnsɛnnɛ kan minnu tɔ nun, n si nna yisi-bɔɛ anubɛ n sɛnbɛ yira anu na tumɛ wo le tɔ.

Isikiyɛli 24:5

I ni kɛ bɛɛ bi saga-tɔlɔnɛ le tɔ. I ni sɔgɛ kɛ dagɛ kɔrɔ gbobi! A ni te ha a kolenu ni ma yɔgbɔ!

Isikiyɛli 34:11

“Nde, i Tigi Mari ya a fɔ ko iko saga-fɛ-biralɛ si ala saga-tanyɛnsɛnnɛnu nadɛn nya min, nde nyɛrɛ si nna sagɛnu nyini ka anu fɛ-bira wo nya na le. Anu ta ara nyɛnsɛn kan tinɛ min bɛɛ rɔ kasara-tele ma, n si anu kundɛn ka bɔ nyɔnu tɔ.

Isikiyɛli 34:4

Minnuta ma gbɛlɛ, anu sa wonu dɛnbɛna. Minnu kirɛ, anu sa sɔnna wonu dandanna. Minnu tanbannɛ, anu sa wonuna tɛlɛnu makirila. Minnu tara anu kun fɛ, anu sa wonu kunyɛ lasɛgila a rɔ. Minnu tununta, anu sa wonu nyinina. Anu ti wo fenfen ma fɔ ka anu bira boloko-yogomɛ-kɛ.

Isikiyɛli 39:18

Anu si kɛlɛ-dannu anubɛ duninya kun-tiginu suyi dɔn ka anu yele min iko saga-yigi min bi sarakayɛ la, ni wo ma, saga-dan, ni wo ma, baa, ni wo fanan ma, ninki-tɛgan.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Sɛfanaya 3:19

A ko a na-wati ma fɛ-yan tun. A ko minnu bara wo rasɛ nun, a si wonu tɔrɔ. Fɛɛ ye minnu kian la, a ko a si wonu nakanan. Kɛlɛ tara min damasi la, a ko a si na wonu damasi la tun. A ko a si anuna miliyɛ yɛlɛma anu ye gbiliyɛ la. Duninya mumɛ bɛɛ si anu gbiliya.

Sakaraya 10:3

Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Matiyu 15:24

Nba, Yisa ya a fɔ ale musi wo ye ko, “Alla ma n sɔ mɔgɔ-gbɛrɛnu ma fɔ Isirɛla mɔgɛnu ma, saga minnu tonɛ a rɔ, kɔni.”

Maraka 2:17

Yisa ya wo lamɔɛn min kɛ, a ya a fɔ anu ye ko, “Minnu kɛndɛ, wonu mako sa bɛsi-bɔlɛ la fɔ minnu kirɛ, ado n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Luka 19:10

Nde, Hadama-dan ara na ka mɔgɔ-samanɛnu nyini anubɛ ka wonu kisi.”

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.