Isikiyɛli 34:13 - ALLALA KUMƐ

¹³ N si anu bɔ sibolo-gbɛrɛnuna nyamanɛ rɔ ka anu kundɛn kan-tina-kelen ka na anu na anuta nyamanɛ rɔ. N si na anu na Isirɛla kɔnkɛnu anubɛ a yi-nɛnu fɛ. N si anu de-nyini bin-nɔrɔnni-hakikɛ la.

Isikiyɛli 34:13 ပူးပေါင်းရင်းမြစ်များ

Yaburi 106:47

E, mata Mari Alla, ma lakisi. Ma bɔ sibolo-gbɛrɛnu yala, i ni na ma la tun, woletɔ ma si i wɔli-nyimɛ lɔn ka i tɔgɔ-sɛnimɛ tanto.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Aiseya 30:25

Wo wa wo yogenuna kan-tina-latankanɛ wonu bira ka wo yogenu faga, wo kɔma, tenkenu si tugu-a-rɔ kɔnkɔ-wɛnu tɔ belenna.

Aiseya 49:9

A ko a si yelela-mɔgɛnu bɔ yele la. Minnu namaranɛ pinpi rɔ, a si waan di wonu ma. Anu si ma iko sagɛ minnu bi anu de-nyinina kɔnkɛnu ma.

Yɛrɛmaya 23:8

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu, a ara ma ranyɛnsɛn kan min.” Wo si a taran, wo siginɛ wo halala-nyamanɛ rɔ.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 30:3

A ko tumɛ do ye nala, a si koe bɛɛ lakinya iko a ye nya min nun fɔlɔ. Isirɛla mɔgɛnu wo, Yuda mɔgɛnu wo, a si sɛgi wonu na anu barɛ ka bɔ biralɛ rɔ. A ko a ya dugi min di anu benbanu ma, a si wo lasɛgi anu denu ma. A si to anu halalayɛ la. Mari nyɛrɛ kan le kɛ la.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Yɛrɛmaya 50:19

A ko a si Isirɛla mɔgɛnu nasɛgi anu halala-nyamanɛ rɔ. Dɔn-fan min bi bɔla Kamɛli kɔnkɛ kuma wo, anubɛ min bi bɔla Basan nyamanɛ rɔ wo, a ko anu si to wonu dɔnna. Ifɛrɛm bɔnsɔn nyamanɛ dɔn-fan wo, Kaliyadi bɔnsɔn nyamanɛ dɔn-fan wo, anu ni to fala wonu na.

Isikiyɛli 11:17

“Woletɔ a fɔ anu ye ko nde, anu Tigi Mari ko n si anu nabɔ nyɔnu tɔ ka anu kundɛn. N si Isirɛla nyamanɛ don anu bolo tun.

Isikiyɛli 20:41

N ba anu nadɛn ka bɔ nyamanɛ wonu tɔ anu tanyɛnsɛnnɛ kan minnu tɔ nun, n si anuna sarakɛnu bira worɔ. Sibole bɛɛ si a lɔn ko nde sɛnima.

Isikiyɛli 20:42

N ba na anu na Isirɛla nyamanɛ rɔ, n ya anu benbanu yili-madiya minnu na, anu si a lɔn wo le ma ko Mari le nde la.

Isikiyɛli 36:12

N si nta Isirɛla mɔgɛnu nasɛgi anuna nyamanɛ rɔ tun. A si ma anu halalɛ la, ado n ti sɔn anuna dannu ni kɔnkɔ tun!

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Isikiyɛli 36:30

N si a ma, anuna sɛnita-fannu anubɛ anuna ki-fannu ni sabati alako anu kana na yarabi sibole doi wonu yala kɔnkɔ-fitinɛ bolo.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Isikiyɛli 39:27

N si nna mɔgɛnu nadɛn kan-tina-kelen ka anu bɔ nyamani-gbɛrɛnu tɔ anu yogenu siginɛ kan min. N bi wo dama mala le alako ka a yira sibole wonu na ko n sɛnima.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Maika 2:12

“Mɔgɔ-toe minnu tora Isirɛla nyamanɛ rɔ, Mari ko a si wonu kundɛn iko sagɛ minnu bi donna kulɛ rɔ. Wola nyamanɛ kɛ si fa mɔgɛnu na tun iko sagɛnu si saga de-nyini-tinɛ lafa nya min.”

Maika 4:6

“Mari ko wati do ye nala, kɛlɛ tara ata mɔgɛ minnu na nun, a si mɔgɔ-tɔrɔnɛ wonu kundɛn kan-tina-kelen.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.