Isikiyɛli 33:27 - ALLALA KUMƐ

²⁷ “I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Isikiyɛli 33:27 ပူးပေါင်းရင်းမြစ်များ

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Yɛrɛmaya 41:9

Isirɛla Mansa Beyasa tara Yuda kɛnu kɛlɛ san min na nun, Yuda Mansa Esa ya kɔlɔn-belebele wo sin san wo le la. Sumanyila ya furi wonu nakɛ kɔlɔn wo le tɔ ka a lafa furinu na.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 33:24

“Ile hadama-dan, mɔgɛ minnu siginɛ Isirɛla so kasaranɛnu tɔ, wonu bi a fɔla ko Iburayima, mɔgɔ kelen de wo la, ado nyamanɛ bɛɛ dira ale le kelan ma. Anu ko anu denu min siya, anu halala-nyamanɛ le kɛ la gbɛ!

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Sɛfanaya 1:2

Mari ya a fɔ nde, Nɛbi Sɛfanaya ye ko a si na duninya rakolonya feu!

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.

1 Samuwɛli 22:1

Dawuda ya a buri ka bɔ Kati soe burɔ ka ta a dogon faran do la Adulam soe dafɛ. Dawuda na-kelen-nyɔgɛnu ya a lamɔɛn min kɛ ko a ara ta faran wo la nyɔ, anu tara kofu a ma nyɔ.

1 Samuwɛli 23:14

Dawuda tora a dogonna kɔnkɛnu tɛma Sifi wulɛ rɔ. Tuma-wo-tuma, Mansa Sɔli ye a nyinina. Kɔnɔ Alla ma sɔn Dawuda dila Mansa Sɔli ma.

1 Samuwɛli 24:3

A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!