Isikiyɛli 33:15 - ALLALA KUMƐ

¹⁵ Tumado, a ye tulumɛ le lasɛgila, ni wo ma, a ni kankanya-fan lasɛgi, ni a ya a bɔ ko-yogoma-kɛ da kun tɔ, a ni don nna tɔn-birɛ rɔ minnu si a ma, mɔgɛ ni to a niyi la, a ti faga worɔ. A si to a niyi la.

Isikiyɛli 33:15 ပူးပေါင်းရင်းမြစ်များ

Yobu 22:6

Ila yili ye i na-kelen-nyɔgɛ la min kɛ, i wara ala kurɛ bɔ a ma ka a gbu-makolonya.

Yobu 24:3

Anu bi kelennɛnuna sofɛlɛnu bila anu bolo. Anu bi kɛɛ-musinuna sara-ninki bila anu bolo fɔrɔsɛ la ko fɔ anu ba ban anuna yili-kɔrɛ sarala.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Yaburi 119:59

N bara n sɔnnu nakɔrɔsi n bi nya min. N ya a latɛgɛ n yisi rɔ ko, “Fɔ n ba ita labilalɛnu bira.”

Yaburi 119:93

Ila karan minnu ya n to n niyi la, n ti nyina wonu ko mumɛ!

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Bɔ-Koe-Iyipiti 21:34

denka-tigi wo si a nyɔgɔn sara. Turɛ wo, sofɛlɛ wo, wonu soge si ma ale denka-tigitɛ la.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 18:16

A sa mɔgɔ-niyi ragbɛrɛnna a ma anubɛ a ti a kankan. Ni min ya tulumɛ sigi a ma, a ti balan a ma. A ye kɔnkɔtoenu de-nyinina ka fɛrɛyatoenu fɛrɛya-bɔ.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 20:11

N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Emɔsi 2:8

Bolo-kolɔnnu bi anuna birinkan sigila wo ma tulumɛ la, wo sa wonu nasɛgila anu ma wurɛ la, ado wo ye wonu sala wo kɔrɔ hali wola batoli-kɛ-tinɛnu tɔ. Wo ye mɔgɛnu bɔnina wodi minnu na, wo ye wonu sanna gbɛɛ la ka ta a min wota bɛsi-kɔ-bɔnnu tɔ.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Tɔn-Fɔɛ-Fila-Nyɔgɛ 24:6

“Ni mɔgɛ do tara mɔgɛ do warɛ tuluma sigi tinɛ, a kana sɔn, tuluma-sigilɛ wo ni ala dɔn-fen-bunden-fan sigi tulumɛ la a ma. Wo si a ma, ala denbayɛ ti ke anu de-nyini-fannu bundenna.