Isikiyɛli 32:27 - ALLALA KUMƐ

²⁷ Anu ma anu togon a kin na iko kurugba fɔlɔtɛ minnubɛ anuna kɛlɛ-kɛ-mirannu togonta anu nyɔgɔn fɛ. Anuna faannu sanɛ anu kun kɔrɔ, anuna nɛgɛ-walannu manɛ anu tore la. Fɔlɔ nun, kɛlɛ-kurugbɛ kɛnu denu taranta anu yogenu takilanna.

Isikiyɛli 32:27 ပူးပေါင်းရင်းမြစ်များ

Yobu 20:11

Hali a fɛrɛ-bɔnkɛ kin a ma nun, a ragbɛlɛ fanan, a ti mɛ, ale karagbɛlɛ si sɛgi gbangban rɔ.

Yaburi 109:18

Dankalɛ namanɛ a da rɔ iko a nyɛrɛ kan-na-duruki si bɔ a kan na nya min. Alamɛ ata dankɛ wonu ya a nyɛrɛ kimɛ iko yi yɔgbɔ! Alamɛ anu donta a kole rɔ iko tuli.

Yaburi 49:14

Anu bi fagala le iko sagɛ. Lakira si anu makandan. Lakira min fɛ-yan anu barɛ la, anu si tuli nyɔ rɔ tiriya! Kɔnɔ mɔgɔ-telennɛ minnu bi nala yarɔ, wonu si na fanka sɔrɔn anu kuma.

Yaburi 92:7

Hali karagbɛlɛnu bi koloyala iko binyɛ, ado ko-yogoma-kɛlɛnu bi nanfala kubukubu, fɔ anu ba halaki pɔ

Yaburi 92:9

Mari, ma ya a lɔn serr, i yogenu fagamatoe le. I si karagbɛlɛ bɛɛ nyɛnsɛn ka anu nɔ tɛrr!

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Aiseya 14:16

“Furinu si anu yɛ wuya-a-rɔ. Anu si nyinikalɛ kɛ ko, ‘Kei kɛ le sa mɔgɛnu nabiri-barala nun ka anu takilan?

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 26:17

Anu si saya-sigi kɛ sa Taya kɛnu ye ko, So-makawanɛ kɛ ara kasara. Ala yi-kuma-kulɔnnu bara firan yi kuma. So-burɔ-mɔgɛ kɛnu ya kɔgɔ-yi don anuna marɛ kɔrɔ nun gbede-gbede! Kɔgɔ-yi-dafɛ-sigilɛnu ya wo bɛɛ kumakɔ.

Isikiyɛli 32:21

Kurugbɛnu wo, anubɛ minnu kofura Iyipiti ma kɛlɛ rɔ wo, wonu si Iyipiti kɛnu sɛnibɔ lakira. Anu si a fɔ anu kulu-mayɛlɛnɛ la ko, ‘Alla-lɔnbɛlɛ minnu kunyɛ tora kɛlɛ rɔ, wonu denu bara na ma taran kɛ la, ado anu sanɛ yan tɔ kɛ.’

Isikiyɛli 32:28

“Iyipiti mansɛ fanan ramɔsɔkɔnnɛ si taran Alla-lɔnbɛlɛ wonu tɛma minnu kunyɛ tora kɛlɛ rɔ.

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,