Isikiyɛli 32:15 - ALLALA KUMƐ

¹⁵ N ba Iyipiti ma tonbɔn la tumɛ min ka a mɔgɛ bɛɛ kasara tɛrr, anu si a lɔn wo rɔ ko Mari le nde la.

Isikiyɛli 32:15 ပူးပေါင်းရင်းမြစ်များ

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Isikiyɛli 29:12

N si Iyipiti nyamanɛ ma nyamani-halakinɛ la ka tenbi nyamanɛ bɛɛ la. San bi-nani dɛgɛdɛgɛ, Iyipiti so-kunbɛ bɛɛ ye kasarɛ kɔrɔ pɔ! So-wo-so ti kasara ka ke anu tɔ. N si Iyipiti kɛ bɛɛ ma kɛlɛ-kɔrɔ-maburilɛnu na tɛrr! Anu si anu buri ka ta anu sigi nyamani-gbɛrɛnu tɔ.”

Isikiyɛli 30:19

N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”

Isikiyɛli 30:26

N si Iyipiti kɛnu tanyɛnsɛn duninya rɔ. Wo kɔma, anu si n lɔn ko Mari le nde la.”

Isikiyɛli 32:14

Wo kɔma, n si a ma, yinu ya ma ni sɔ tun. Bɛnu si yigi anu worɔn la a kilɛ fɛ. Nde, i Tigi Mari kan le kɛ la.

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!