Isikiyɛli 32:10 - ALLALA KUMƐ

¹⁰ N bi min sigila a ma, wo si sibolo-siyaman maban. N ba nna faan layigi, mansɛnu si to yɛrɛyɛrɛnna kilan bolo. A wa bui lunyɛ min, mansɛ wonu si to buila kumakɔɛ bolo ka a tɛgɛ anu niyila ko ma.

Isikiyɛli 32:10 ပူးပေါင်းရင်းမြစ်များ

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

Aiseya 30:32

Marita bosɛ tenbi anu tagbesila tumɛ min, yonbo-kan anubɛ bɔlon-kan ye tala anu nyɔgɔn fɛ. A si anu kɛlɛ ata kɛlɛ-kɛ-miran-sɛnbɛmɛnu na.

Yɛrɛmaya 51:9

Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 27:35

“Kɔgɔ-yi-fɛ-sigilɛnu kawara Taya ban-bolo-su kɛ ma. Hali anuna mansɛ bɛɛ kumakɔra. Kilan si yen anu yakɔrɛ bɛɛ ma.

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

Tɔn-Fɔɛ-Fila-Nyɔgɛ 29:24

Duninya mumɛ bɛɛ si nyinikalɛ sa ko, ‘Nfen ya a to, Mari ya anuna nyamanɛ kɛ tinya ka? Nfen ya a ma, Mari fonde bɔra wɛ kɛ ka?’

Tɔn-Fɔɛ-Fila-Nyɔgɛ 32:41

Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”