Isikiyɛli 31:9 - ALLALA KUMƐ

⁹ N ya a lakinya ka a bolɔnnu sɔ a ma. Kɔlɔma min bɛɛsi ye nta nakɔɛ rɔ Idɛn, wonu ya a makeliya.

Isikiyɛli 31:9 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 26:14

Wɔli-kɛlɛnu anubɛ kolo-fen siyaman taranta a bolo. Wo ya a ma, Filisitinu ya a makeliya

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Hɛnkilimaya-Kumɛnu 27:4

Yisi-bɔɛ si ko-yogoma-siyaman ma ka fen-siyaman tinya kɔnɔ kei-keli tenbira wo la.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Isikiyɛli 16:14

I tɔgɛ bɔra sibole bɛɛ tɛma ka a tɛgɛ ila kinya-belebele ma bawo nde, Alla le ya ila kinyɛ labɔ gbɛ rɔ. Nde, i Tigi Mari kan le kɛ la.

Isikiyɛli 17:22

“Nde, wo Tigi Mari kan le kɛ la ko n si sida-kɔlɔma-layan-bɛ-sore keri a la. N ni ta wo ki kɔnkɔ-layan-bɛ do kuma,

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 31:18

“Iyipiti mansɛ anubɛ ala nyamanita-mɔgɛnu denu bi kɔlɔma-wɛ wo la. Idɛn kɔlɔma-wo-kɔlɔma ti ke ala yanyɛ anubɛ ala kinyɛ rɔ. Kɔnɔ kaka, a si ta lakira iko Idɛn kɔlɔma wonu tara nya min ka kofu Alla-lɔnbɛlɛnu ma anubɛ minnu kunyɛ tora kɛlɛ rɔ. Nde, wo Tigi Mari kan le kɛ la.”

Isikiyɛli 36:35

Mɔgɔ ti nyamani-tinyanɛ kɛ yen tun. Anu si a fɔ ko a mafɛlɛn di iko Idɛn nakɔɛ ye nya min nun. Mɔgɛnu ti anuna soenu yen tonbonyɛ la. Anu si soe wonu fanan yen tun tarɛ mininɛ anu ma.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

1 Samuwɛli 18:15

Mansa Sɔli ya Dawuda yen nɔ-ko sɔrɔnna kɛlɛ rɔ nya min, a kilanta a la dɔgɔma-ma-de!