Isikiyɛli 31:8 - ALLALA KUMƐ

⁸ Sida-kɔlɔma fenfen sa nde, Alla nyɛrɛta nakɔɛ rɔ mɔgɛ si min sanka a ma, ado hali kɔlɔma minnu tapinpinɛ, anu bolɔnnu ti ke atɛ rɔ. Kɔlɔma-wo-kɔlɔma sa nde, Allata nakɔɛ rɔ min mafɛlɛn di iko kɔlɔma kɛ.

Isikiyɛli 31:8 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Yaburi 37:35

N ya karagbɛlɛ do lɔn min si to nyɛɛla mɔgɛnu ma. A sankanya ye mɔgɛ bɛɛ kuma iko kɔlɔma-kuru-wɛ minnu bi Lɛbanan kɔnkɔ-nyamanɛ rɔ.

Yaburi 80:10

A gbɔfɔra kɔnkɛ bɛɛ kuma. Hali kɔlɔma-layan-bɛnu, a yɛlɛta wo bɛɛ la.

Keninteya-Siginu 5:15

A worenu tagbɛlɛ iko kuri-sɛnbɛrɛn-kɔn minnu sɔnɛ sɛnɛ-bɛrɛ kuma. A mansa-kɛ-bɔɛ kɛnɛ burun iko bandan!

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 31:18

“Iyipiti mansɛ anubɛ ala nyamanita-mɔgɛnu denu bi kɔlɔma-wɛ wo la. Idɛn kɔlɔma-wo-kɔlɔma ti ke ala yanyɛ anubɛ ala kinyɛ rɔ. Kɔnɔ kaka, a si ta lakira iko Idɛn kɔlɔma wonu tara nya min ka kofu Alla-lɔnbɛlɛnu ma anubɛ minnu kunyɛ tora kɛlɛ rɔ. Nde, wo Tigi Mari kan le kɛ la.”

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Isikiyɛli 31:7

Kɔlɔma wo kin dɔgɔma-ma-de! A yan ferengben, ado a bolɔn wonu fanan yan! A suli yigira ka ta yi taran dugi kɔrɔ pon!

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’