Isikiyɛli 31:3 - ALLALA KUMƐ

³ Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Isikiyɛli 31:3 ပူးပေါင်းရင်းမြစ်များ

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Aiseya 37:24

fɔ a ye kilayɛnu nanala ka a nyɛrɛ matɔgɔ. A ko ale Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya hali ka ta gbɔngbɔn-makilannɛ bɛɛ kɔrɔ.

Yɛrɛmaya 17:8

Mɔgɛ wo ra si gbɛlɛya gbon, iko yi-dafɛ-kɔlɔma. Kɔlɔma wo sulinu si yigi saru, ado a si yi sɔrɔn duk! Hali tele fafara a ma nya-wo-nya, wo ti kilan. A nɔrɔnni de tuma-wo-tuma. Hali san tenbira a kun na fɛlɛlɛ, banda ma na, wo ti a tɔrɔ. A gbɔɛ ye a la wati bɛɛ.

Yɛrɛmaya 50:18

Woletɔ Mari Sɛnbɛ-Bɛɛ-Tigi Isirɛlata Alla si Babilɔn mansɛ anubɛ ata nyamanɛ tɔrɔ iko a ya Asiriya mansɛ tɔrɔ nya min.

Isikiyɛli 17:22

“Nde, wo Tigi Mari kan le kɛ la ko n si sida-kɔlɔma-layan-bɛ-sore keri a la. N ni ta wo ki kɔnkɔ-layan-bɛ do kuma,

Isikiyɛli 19:11

A bolɔnnu fasa ha anu mara mansaya-kɔnnu na. Nɔnbɛ wo yɛlɛta furr, ha a tugura san-kole la. Ka a tɛgɛ a yanbɛla siyayɛ anubɛ ala yanyɛ ma, mɔgɛ bɛɛ ya a yen.

Isikiyɛli 31:10

“Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 31:17

Sibole minnu siginɛ a ninɛ kɔrɔ nun, a dɛnbɛnɛnu, kɔni, wonu si a bolo bira ka ta anu nyɔgɔn fɛ lakira.

Isikiyɛli 31:5

Bawo yi siya ale kɔlɔma rɔ min kɛ, a yanyara ka tenbi kɔlɔma wo bɛɛ la ka a bolon-kunbayanɛnu sɔ a ma, ado anu yan.

Isikiyɛli 31:6

Kona-su bɛɛ ya a nyagan kiri a la. Sogenu kɛnɛna wolonna a ninɛ la. Duninya sibole bɛɛ kɛnɛna sigila a ninɛ kɔrɔ.

Isikiyɛli 31:8

Sida-kɔlɔma fenfen sa nde, Alla nyɛrɛta nakɔɛ rɔ mɔgɛ si min sanka a ma, ado hali kɔlɔma minnu tapinpinɛ, anu bolɔnnu ti ke atɛ rɔ. Kɔlɔma-wo-kɔlɔma sa nde, Allata nakɔɛ rɔ min mafɛlɛn di iko kɔlɔma kɛ.

Isikiyɛli 32:22

“Asiriya kɛlɛ-dan minnu bi lakira nyɔ, anu dama kunyɛ tora kɛlɛ le tɔ nun, ado fɔlɔ nun, anu bi nyamanɛ bɛɛ rakilanna kɔnɔ anu denu kanbɛ tara le fɔ lakira kɔma pon!

Daniyɛli 4:10

“N bi kinɔgɔ rɔ tumɛ min, n ya ko-rayen-kɛ. N ya kɔlɔma-kuru-belebele kelen yen dugi tɛma.

Daniyɛli 4:12

A yanba-kunyɛnu kin, ado a gbɔnɛ yesekere! Duninya-mɔgɛ bɛɛ si a gbɔɛ wo dɔn, a ti ban. Sogo-siyaman si anu sa a ninɛ la. Konanu bara anu nyagannu sa a tangbɛnu tɔ, ado nima-fen-su-siyaman bi a gbɔɛ wo dɔnna.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Sɛfanaya 2:13

Mari ko a si Asiriyanu kasara ka anuna Ninɛfa so-karantan ma tonbɔn la iko yi sa wula-da-rakolɔn min tɔ.

Sakaraya 11:1

Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

Kɛlɛ-Kurugbɛnu 9:15

“Wɔnɔ-kuri wo ko, ‘Ni a sɔgɛ ye wo la, n ni ma wola mansɛ la, wo na wo sa n ninɛ la. Ni wo ma wo ma, tɛ si bɔ n bolɔnnu na ka Lɛbanan Sida-kɔlɔma-kuru-wɛnu mintan!’ ”