Isikiyɛli 31:16 - ALLALA KUMƐ

¹⁶ N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 31:16 ပူးပေါင်းရင်းမြစ်များ

Aiseya 14:15

Kɔnɔ yaga, ile yigira fɔ dugi kuri-dan la lakira.

Aiseya 14:8

Hali Lɛbanan kɔlɔma-hakikɛnu, wonu si sewa mansɛ kɛ faga-koe la bawo ni mansɛ ara so-sɛgi-kɛ, mɔgɔ-wo-mɔgɔ sa nyɔ tun minnu si ale kɔlɔmanu tɛgɛ.

Yɛrɛmaya 50:46

Babilɔn nyamanɛ wa bui tumɛ min, wo bui-kan si duninya ramaga. Sibole doi wonu si anu di-kɛ-kan lamɔɛn.

Isikiyɛli 14:22

Ni minnubɛ anuna dannu kunyɛ ma to kɛ rɔ, ni wonu nara i wara, i ni i yɛ bɛn wonu ma. I si a yen yati ka a fɔ ko mɔgɔ-yoge le wonu denu na. I ye a lɔnna wo le ma ko n ya tɔrɔyɛ min sigi Yerusalɛm kɛnu ma, a bɛnnɛ, n ni a sigi anu ma.

Isikiyɛli 14:23

I ye a lɔnna wo wati le tɔ ko wo ma-kɔrɛ ye n bolo. Nde, wo Tigi Mari kan le kɛ la.”

Isikiyɛli 26:10

Anuna soee wonu kinta-gbangban si Taya kɛnu yamatogon. Anuna soeenu anubɛ kirindinu kinta-kan si anuna soe tarɛnu nayɛrɛyɛrɛn anu tenbi donna anuna so-kasaranɛ rɔ.

Isikiyɛli 26:15

“Nde, wo tigi Mari ya kɛ le fɔ Taya soe wara-koe rɔ tun. N ko anu yogenu tenbi anu fagala tumɛ min, anu si to kurunna. Nyɔ-dafɛ-mɔgɛ minnu siginɛ kɔgɔ-yi dala wa anu kurun-kan lamɔɛn, wonu si to yɛrɛyɛrɛnna kumakɔɛ bolo.

Isikiyɛli 27:28

Kulun-tawɔli-kɛlɛ minnu tora yi rɔ, wonu di-kɛ-kan kera yi-dafɛ-mɔgɛ bɛɛ ma.

Isikiyɛli 31:14

Woletɔ, ka a dabira bi ma, kɔlɔma-wo-kɔlɔma ti taran min si yanya ka ke wo rɔ hali yi taranta a kɔrɔ duk! Kɔlɔma wo-kɔlɔma ti yanya tun ka tugu banda-finyɛ la. Anu dama si faga iko hadama-dan. Anu si kofu anu ta-nyɔgɛnu ma lakira.

Isikiyɛli 31:18

“Iyipiti mansɛ anubɛ ala nyamanita-mɔgɛnu denu bi kɔlɔma-wɛ wo la. Idɛn kɔlɔma-wo-kɔlɔma ti ke ala yanyɛ anubɛ ala kinyɛ rɔ. Kɔnɔ kaka, a si ta lakira iko Idɛn kɔlɔma wonu tara nya min ka kofu Alla-lɔnbɛlɛnu ma anubɛ minnu kunyɛ tora kɛlɛ rɔ. Nde, wo Tigi Mari kan le kɛ la.”

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Isikiyɛli 31:8

Sida-kɔlɔma fenfen sa nde, Alla nyɛrɛta nakɔɛ rɔ mɔgɛ si min sanka a ma, ado hali kɔlɔma minnu tapinpinɛ, anu bolɔnnu ti ke atɛ rɔ. Kɔlɔma-wo-kɔlɔma sa nde, Allata nakɔɛ rɔ min mafɛlɛn di iko kɔlɔma kɛ.

Isikiyɛli 31:9

N ya a lakinya ka a bolɔnnu sɔ a ma. Kɔlɔma min bɛɛsi ye nta nakɔɛ rɔ Idɛn, wonu ya a makeliya.

Nehami 2:3

Wole Ninɛfa kɛnu, wo yogenuna kɛlɛ-dannu si na wo kɛlɛ-tinɛ kɔgɔ-matanka-fan-wulenmɛ la anu bolo. Kɛlɛ-duruki-wulan bilanɛ anu kan na. Anu bara anu mabɛn wo kɛlɛ-koe la. Anuna kirindinu silɛ ye tiila anu ma iko ta-mɛlan. Anuna soeenu bi anu nyɛrɛ matɛnna kɛlɛ-kɛ-tinɛ.

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.