Isikiyɛli 31:10 - ALLALA KUMƐ

¹⁰ “Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Isikiyɛli 31:10 ပူးပေါင်းရင်းမြစ်များ

2 Ko-Kɔrɔta-Karan 25:19

Ile Hamasa ara Idɔm kɛnu nɔ min kɛ, woletɔ i wara wasi. I tɔgɛ wo min bara bɔ, wo ni i wasa. I ni a dan wo ma kɔɛ! I ni to ila bɔn la. A sɔgɛ ye i la, i ni nanparan sanba wobɛ ila mɔgɛnu ma, wa?”

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 18:12

Mɔgɔla wasinteyɛ le ye a labuila. Mɔgɔ-famayiginɛ le ye gbiliyɛ sɔrɔnna.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Isikiyɛli 28:17

Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Isikiyɛli 31:14

Woletɔ, ka a dabira bi ma, kɔlɔma-wo-kɔlɔma ti taran min si yanya ka ke wo rɔ hali yi taranta a kɔrɔ duk! Kɔlɔma wo-kɔlɔma ti yanya tun ka tugu banda-finyɛ la. Anu dama si faga iko hadama-dan. Anu si kofu anu ta-nyɔgɛnu ma lakira.

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Daniyɛli 4:14

Melika wo kan-mayɛlɛnɛ ya a fɔ ko, ‘Wo ni sogenu gben kɔlɔma-kuri kɛ kɔrɔ ka konanu gben a la. Wo ni a kuri tɛgɛ ka a yanba-kunyɛ magbenda. Wo kɔma, wo ni a gbɔɛ wo ranyɛnsɛn.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Matiyu 23:12

Min ba a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”