Isikiyɛli 30:4 - ALLALA KUMƐ

⁴ Kɛlɛ si taran Iyipiti nyamanɛ rɔ. Gbɛlɛyɛ si taran Sudan nyamanɛ rɔ. Mɔgɔ-siyaman si faga Iyipiti nyamanɛ rɔ. Anu si nyamanɛ wo rakolonya ka a kasaranɛ to.

Isikiyɛli 30:4 ပူးပေါင်းရင်းမြစ်များ

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Aiseya 18:1

Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma.

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 20:3

Anu ban Asadadi soe birala, Mari ya a fɔ ko nde, ata wɔli-kɛla Aiseya ye tagamana n kin-takolɔn anubɛ n gbu-makolɔn san sawa kɔrɔ. Mari ko min bi nala mala Iyipiti anubɛ Sudan ye, wo tamasere le kɛ la.

Yɛrɛmaya 46:9

Wo ni soeenu naburi wɛ kɛ. Kirindinu gbɛ ni to. Ini kɛlɛ-dannu nata. Sudan kɛnu anubɛ Libiya kɛnu si nɛgɛ-lufɛnu bi. Lidiya kɛnu si kalɛnu tasagan.”

Yɛrɛmaya 50:15

Wo ni kɛlɛ-sɔnkɛ layɛlɛ Babilɔnna foolɛ bɛɛ rɔ, ado nyɔ-mɔgɛnu bara dɛgɛ min. Anuna soe tarɛ si keri ka bui fugbu! Nde, Mari si n tayili sara Babilɔn kɛnu na. Woletɔ wo ni anu bira boloko-yogomɛ-kɛ iko anu fanan taranta mɔgɛnu birala nya min.

Isikiyɛli 28:23

N si kirayɛ latugu anu kun na ka dugu-kole ban anu yele la yɛgbɛ! Anu yogenu si kɛ anu ma kan-tinɛ bɛɛ rɔ. A mɔgɛnu si to fagala. Wo kɔma, anu si a lɔn wo le ma ko Mari le nde la.”

Isikiyɛli 29:12

N si Iyipiti nyamanɛ ma nyamani-halakinɛ la ka tenbi nyamanɛ bɛɛ la. San bi-nani dɛgɛdɛgɛ, Iyipiti so-kunbɛ bɛɛ ye kasarɛ kɔrɔ pɔ! So-wo-so ti kasara ka ke anu tɔ. N si Iyipiti kɛ bɛɛ ma kɛlɛ-kɔrɔ-maburilɛnu na tɛrr! Anu si anu buri ka ta anu sigi nyamani-gbɛrɛnu tɔ.”

Isikiyɛli 29:19

Nde, i Tigi Mari ye nala min fɔla, wo le kɛ la ko n bi nala Iyipiti nyamanɛ latenbila Mansa Nɛbukanasa ma. A wa bui nyɔ ma, a si fen-kolomɛ bɛɛ bi ka wonu ma ala kɛlɛ-dannu sarɛ la.

Isikiyɛli 29:8

Woletɔ nde, wo Tigi Mari ye a fɔla anu ye ko n si a ma, mɔgɛnu ni na anu kɛlɛ faan la. Ala mɔgɛ anubɛ ala kolo-fan dama kunyɛ si to-a-rɔ.

Isikiyɛli 38:5

Pasiya kɛnu wo, Sudan kɛnu wo, Libiya kɛnu wo, wonu dama sɔnɛ a fɛ. Kɛlɛ-kɛ-fulɛ anubɛ nɛgɛ-walan ye anu dama bolo.

Daniyɛli 11:43

Sɛnɛ anubɛ wodi-gbɛ anubɛ fen-kolomɛ min dogonnɛ Iyipiti kɛnu ma, a si wonu toronde anu bolo. A si Libiya kɛnu anubɛ Itiyopiya kɛnu nɔ fanan.

Sɛfanaya 2:12

Mari si a ma, Sudan kɛnu yogenu ni anu halaki.