Isikiyɛli 30:24 - ALLALA KUMƐ

²⁴ Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!

Isikiyɛli 30:24 ပူးပေါင်းရင်းမြစ်များ

Nihɛmaya 6:9

N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Yobu 24:12

Mɔgɔ-tanbannɛnu bi anu kan nabɔla Alla ma soe burɔ kɔnɔ hali wo, Alla ti anu denkun. Fen-tiginu bi min sigila bolo-kolɔnnu ma, Allala ko sa wo rɔ.

Yaburi 144:1

Ma ni Mari tanto, nna kisilɛ, kɔni. A ye n karanna kɛlɛ ma ka n tabɛn kɛlɛ-kɛ-koe la.

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Yaburi 18:32

Alla le si fanka di n ma. A si kilɛ diya n na.

Yaburi 18:39

E, Mari, ile le ya ila sɛnbɛ ma n makiri-fan la, ha n yogenu buira n kɔrɔ ka anu nyɛrɛ latenbi n ma.

Aiseya 10:15

Kɔnɔ ale Mari ko tɛgɛran si a fɔ ko a sɛnbɛ kolo a lawɔlilɛtɛ ko? Sɛrɛ sɛnbɛ kolo a lawɔlilɛtɛ ko? A ko gbelekɛ ti mɔgɛ kɔrɔbi. Mɔgɛ le si gbelekɛ kɔrɔbi.

Aiseya 45:1

Mari le wara Sairasi yabɔ ko a ni ma mansɛ la. A ya a yabɔ alako a ni sibolenu nɔ kɛlɛ rɔ. A ya ale Sairasi sɔ ko a ni sibole wonuna mansaya-sɛnbɛ dɛ makeri. Mari nyɛrɛ le ye soe wonu tarɛ-dɛnu nakala alako ale Sairasi ni don anu kuma. Mari ya a fɔ Sairasi ye ko

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Yɛrɛmaya 51:52

Wati ye nala, Mari ko a si maga Babilɔn bɛsɛnu na. Mɔgɔ-tanbannɛnu si to kurunna nyamanɛ wo tɔnkɔn bɛɛ rɔ.

Isikiyɛli 26:15

“Nde, wo tigi Mari ya kɛ le fɔ Taya soe wara-koe rɔ tun. N ko anu yogenu tenbi anu fagala tumɛ min, anu si to kurunna. Nyɔ-dafɛ-mɔgɛ minnu siginɛ kɔgɔ-yi dala wa anu kurun-kan lamɔɛn, wonu si to yɛrɛyɛrɛnna kumakɔɛ bolo.

Isikiyɛli 29:19

Nde, i Tigi Mari ye nala min fɔla, wo le kɛ la ko n bi nala Iyipiti nyamanɛ latenbila Mansa Nɛbukanasa ma. A wa bui nyɔ ma, a si fen-kolomɛ bɛɛ bi ka wonu ma ala kɛlɛ-dannu sarɛ la.

Isikiyɛli 30:10

“Nde, wo Tigi Mari ko n si Babilɔn Mansa Nɛbukanasa ma Iyipiti nɔnfulu-bilɛ la. Fenfen ti taran anu bolo ale mansɛ kɔma.

Isikiyɛli 30:11

Anubɛ ala kɛlɛ-den-karagbɛlɛnu si nyamanɛ wo tinya pɔ! Anu ba Iyipiti kɛlɛ, suyi si taran Iyipiti kan-tinɛ bɛɛ rɔ.

Isikiyɛli 30:21

“Ile hadama-dan, n bara Iyipiti mansɛ bole rakeri. Mɔgɔ-wo-mɔgɔ ma a makiri a kɛndɛya-koe la. A ti ke faan birala a la tun.

Isikiyɛli 30:25

Ɔnde, n si Iyipiti mansɛ fanka mayigi ka Babilɔn mansɛ fanka mayɛlɛ. N ba nna faan don a bolo, a wa faan wo sungban telen Iyipiti la, bɛɛ si a lɔn wo rɔ ko Mari le nde la.

Sɛfanaya 2:12

Mari si a ma, Sudan kɛnu yogenu ni anu halaki.