Isikiyɛli 30:21 - ALLALA KUMƐ

²¹ “Ile hadama-dan, n bara Iyipiti mansɛ bole rakeri. Mɔgɔ-wo-mɔgɔ ma a makiri a kɛndɛya-koe la. A ti ke faan birala a la tun.

Isikiyɛli 30:21 ပူးပေါင်းရင်းမြစ်များ

2 Mansɛnu 24:7

Iyipiti mansɛ anubɛ ala kɛlɛ-dannu ma ke bɔla Iyipiti tun bawo Babilɔn mansɛ ara ala nyamanɛ donu bi a bolo ka a bi Yufereti bɛ ma ha ka ke Iyipiti dan doi ma kantɔ-wara la.

Yaburi 10:15

Karagbɛlɛnuna sɛnbɛ-dɛ makeri ka anu tɔrɔ anuna ko-yogomɛla ko la alako anu kana na a ma tun.

Yaburi 37:17

bawo Mari si karagbɛlɛnu sɛnbɛ bi anu bolo ka mɔgɔ-telennɛnu nakanan.

Yaburi 89:43

I wara ala kɛlɛ-mirannu tinya ha a ma ke nɔ-ko sɔrɔnna kɛlɛ rɔ.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Yɛrɛmaya 30:13

Wo fɛ-birala fenfen ti taran. Bɛsi-wo-bɛsi ti taran wola tɛlɛnuna ko la. Wo lakɛndɛya-yigi-wo-yigi ti taran.

Yɛrɛmaya 44:30

Iko a ya Yuda Mansa Sɛdɛkaya don a yoge, Babilɔn Mansa Nɛbukanasa bolo nya min, a faga-sɔgɛ ye wo min na nun, a ko a ye Iyipiti Mansa Hofara donna a yogenu bolo wo nya na le fanan.

Yɛrɛmaya 46:11

Iyipiti kɛnu ni ta Kaliyadi anu dandan bɛsi-nyini-tinɛ. Bɛsɛ wo ti ko nyinya anu ma. Fenfen ti anu dandan.

Yɛrɛmaya 48:25

Mohabu sɛnbɛ ra si bunden iko kɔrɛ! A sɛnbɛ bɛɛ si na tinya. Ale Mari kan le kɛ la.

Isikiyɛli 30:24

Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!

Isikiyɛli 39:3

N si a bolo-maran gbesi a la, a kalɛ ni bui. N si a bolo-nyimɛ fanan gbesi a la, a bɛnnu fanan ni bui.

Nehami 3:16

Yila minnu bi wo tɛma, wonu siya nun iko lolenu. Kɔnɔ kaka, yila wonu bara gban ka wo boloka iko kondɔnnu ba ban fala, wonu bi gbanna nya min ka ta anu ye.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.