Isikiyɛli 30:14 - ALLALA KUMƐ

¹⁴ N si Iyipiti dugulɛ ma tonbɔn la. N si tɛ tugu Sowa soe la min bi Iyipiti kan tɔ. Anuna so-karantan min tɔgɛ Tibisi, n si wo tɔrɔ feu!

Isikiyɛli 30:14 ပူးပေါင်းရင်းမြစ်များ

Yaburi 78:12

Ma benbanu yɛ bɛnnɛ Alla ma tumɛ min, a ya ata kabana-koenu ma. A ya wonu ma Sowan gbɛkole rɔ Iyipiti nyamanɛ rɔ.

Yaburi 78:43

A ya kabana-koe anubɛ kɛwɔli-makawanɛnu kɛ Sowan gbɛkole ma Iyipiti nyamanɛ rɔ.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 19:11

Kun-takolɔn le Sowan so-burɔ mɔgɔ-banu na. Kun-takolonya-hɛnkili le ye Iyipiti mansɛla mɔgɔ-ba-hɛnkilimɛnu bolo. Anu bi a fɔɛ min kɛla Iyipiti mansɛ ye ko anu denu benba le fɔlɔ-mɔgɔ-ba-hɛnkilimɛnu na, yabatoya-kumɛ le wo la anu bolo.

Aiseya 19:13

Mɔgɔ-ba minnu bi Sowa soe burɔ, kun-takolɔn le wonu na. Minnu bi Mɛmfisi soe burɔ, wonu bara baya. Wonu bɛnta ka mɔgɛnu sɔ kila-latelennɛ rɔ kɔnɔ anu ma wo ma de fɔ ka mɔgɛnu bila kila-radunɛ fɛ.

Aiseya 30:4

Hali Yuda nyamanɛ-yɛnu bara ban kela Sowan anubɛ Hanasi soenu burɔ Iyipiti nyamanɛ rɔ,

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 44:15

Nba, nyama ladɛnta n fɛ, mɔgɛ min ya a lɔn ko anuna musinu taranta isɛnti mintanna bɛsɛnu ye nun wo, musi minnu bi nyɔ nun wo, Isirɛla mɔgɛ minnu siginɛ Iyipiti dugu la wo, wonu ya a fɔ n ye ko,

Yɛrɛmaya 46:25

Mari Sɛnbɛ-Bɛɛ-Tigi Isirɛlata Alla ko a sa mɛla tun, a ye tɔrɔyɛ lanala Tibisi kɛnuta bɛsɛ ma min tɔgɛ Amuna. A si Iyipiti kɛnuna mansɛnu anubɛ ala mɔgɛnu anubɛ anuta bɛsɛnu tɔrɔ anu nyɔgɔn fɛ. A ko a si Iyipiti mansɛ wurun anubɛ min bɛɛsi lanɛ ale mansɛ la.

Isikiyɛli 29:14

N si a ma, anu kun ni dɛn Iyipiti nyamanɛ dugu la, anu bakuri bɔra kan min, kɔni. Anuna nyamanɛ ra si faga

Isikiyɛli 29:19

Nde, i Tigi Mari ye nala min fɔla, wo le kɛ la ko n bi nala Iyipiti nyamanɛ latenbila Mansa Nɛbukanasa ma. A wa bui nyɔ ma, a si fen-kolomɛ bɛɛ bi ka wonu ma ala kɛlɛ-dannu sarɛ la.

Isikiyɛli 30:15

Iyipiti so-latankani-wɛ, Pɛlusiyam, wo si nta diminya-dan lɔn. N si Tibisi fen-kolomɛ bɛɛ tinya pɔ!

Isikiyɛli 30:16

N ba tɛ tugu Iyipiti nyamanɛ la, Pɛlusiyam soe tɔrɔyanɛ si to dumɛ bolo. N si Tibisi soe tarɛ labui fugbu! Yi si soe wo yamatogon.

Isikiyɛli 30:19

N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”

Isikiyɛli 30:8

N ba tɛ tugu Iyipiti nyamanɛ la, anubɛ a kɛlɛ-den-masannɛ bɛɛ kunyɛ wa to-a-rɔ, bɛɛ ye a lɔnna wo le ma ko Mari le nde la.

Nehami 3:8

Ile Ninɛfa soe, i miri ko i fisa Tibisi soe ko Iyipiti nyamanɛ rɔ? Iko mɔgɔ ti ke Nayɛli bɛ tɛgɛla nya min, min bi ile Tibisi soe dafɛ a latanka-koe la, Yufereti bɛ min bi Ninɛfa soe dafɛ, mɔgɔ ti ke wo fanan tɛgɛla wo nya na le.