Isikiyɛli 30:13 - ALLALA KUMƐ

¹³ “Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Isikiyɛli 30:13 ပူးပေါင်းရင်းမြစ်များ

Bɔ-Koe-Iyipiti 12:12

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 2:16

Iyipiti kɛ minnu bɔra Mɛmfisi anubɛ Tapanisi soenu burɔ, Mari ko wonu bara wole, Isirɛlata mɔgɛnuna gbiliyɛ anubɛ sɛnbɛ bɔ wo ma feu!

Yɛrɛmaya 43:12

N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

Yɛrɛmaya 43:13

Iyipiti mɔgɛnu bi tele kɔla kan min, kuru-lɛsɛnɛ minnu gbili anu ma nyɔ, Babilɔn mansɛ si kuru-lɛsɛnɛ wonu tatii ka anuna kɔ-tinɛ wonu mintan.”

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 46:19

Iyipiti kɛnu ni anuna mirannu mabɛn bawo anu biratoe le ka ta anu na. Mɛmfisi soe si ma wula-da-rakolɔn la mɔgɔ sa kan min.

Yɛrɛmaya 46:25

Mari Sɛnbɛ-Bɛɛ-Tigi Isirɛlata Alla ko a sa mɛla tun, a ye tɔrɔyɛ lanala Tibisi kɛnuta bɛsɛ ma min tɔgɛ Amuna. A si Iyipiti kɛnuna mansɛnu anubɛ ala mɔgɛnu anubɛ anuta bɛsɛnu tɔrɔ anu nyɔgɔn fɛ. A ko a si Iyipiti mansɛ wurun anubɛ min bɛɛsi lanɛ ale mansɛ la.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Isikiyɛli 30:16

N ba tɛ tugu Iyipiti nyamanɛ la, Pɛlusiyam soe tɔrɔyanɛ si to dumɛ bolo. N si Tibisi soe tarɛ labui fugbu! Yi si soe wo yamatogon.

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.