Isikiyɛli 3:23 - ALLALA KUMƐ

²³ Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Isikiyɛli 3:23 ပူးပေါင်းရင်းမြစ်များ

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Isikiyɛli 10:18

Wo kɔma, Marita wan-takani-belebele bɔra a Bato-Bɔn don-dɛ la. A ya a mayɛlɛ nima-fen nanɛ kɛnu kuma.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Isikiyɛli 8:4

N bi nyɔ tumɛ min, n ya Allata wan-takani-belebele-wɛ yen min bi a yirala ko Isirɛlata Alla ye nyɔ. N ya wan-takanɛ kelan wo le yen Kiba bɛ dafɛ ko-rayirɛ rɔ nun.

Isikiyɛli 9:3

Wo wati rɔ, Isirɛlata Allata wan-takanɛ bɔra melikala muninyɛnu kuma, a ye kan min nun. A tara Bato-Bɔn don-dɛ la. Sɛbɛli-kɛ-fannu bi linɛn duruku-tigi min bolo, Mari ya a fɔ wo ye ko,

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Yilan-Yilan Koe 16:19

Wo kɔma, Kora ya Isirɛla mɔgɔ damasi kele ka anu nadɛn Musa anubɛ Aruna yakɔrɔ Marita Bɔn don-dɛ la. Kakɛ wo rɔ, anu bɛɛsi ya Marila ta-waan yen anu yɛ la.

Yilan-Yilan Koe 16:42

Mɔgɛ kɛnu tora da-kɔrɔ-kumɛ kɛ fɔla tumɛ min, anu ya anu tintan Marita Bɔn wara la ka Marita banda-fin-gbɛ yen ata Fani-Bɔn kuma. Anu ya Marita ta-waan yen banda-fin-gbɛ wo rɔ.

Kɛwɔlɛnu 7:55

Kɔnɔ Sitifen fanɛ Allata Ni-Sɛnimɛ la. A ya a yɛ layɛlɛ san ma Allala gbiliyɛ mafɛlɛn tinɛ. A ya Yisa sɔni yen Alla kɔɛn-nyimɛ rɔ.

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 5:14

Dali-fen nani wonu fanan ya a labira, “Amina!” Kɛmɔgɛnu ya anu sa dugi ma ka batoli kɛ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.