Isikiyɛli 3:20 - ALLALA KUMƐ

²⁰ “Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Isikiyɛli 3:20 ပူးပေါင်းရင်းမြစ်များ

2 Ko-Kɔrɔta-Karan 24:2

Fananta Saraka-Masɔla Yɛhoyada ye a kɛndɛ la, Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ.

2 Ko-Kɔrɔta-Karan 25:15

Wo le ya a ma, Mari fonde bɔra. A ya nɛbi do lata ale Mansa Hamasa ma. Nɛbi wo ya ale mansɛ manyinika ko, “Nfenna i ye foninya bɛsɛ wonu kɔla minnu ma ke anuna mɔgɛnu kunkala i ma nun?”

Yaburi 119:165

Ita tɔnnu di minnu ye, wonu yisi-kimani de poi! Fenfen sa nyɔ min si anu nabui.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 8:14

Ka a tɛgɛ ata sɛninya-makawanɛ ma, a ko ale si ma kuri la, mɔgɛnu si anu kian latugu min na. A ko a si ma gbɛrɛ fanan na min si Yuda anubɛ Isirɛla anubɛ Yerusalɛm kɛnu bira.

Yɛrɛmaya 34:16

Wo kɔma, wo ya wo miriya yɛlɛma tun ka a yira ko wo ma ale Mari gbiliya. Wo ara yɔɔn minnu boloka nun iko anu bi nyinina a ma nya min, wo ara wonu bira tun ka a lagbɛlɛya anu kuma.

Yɛrɛmaya 6:21

Woletɔ Mari ya a fɔ ko a ye fan donu sala kilɛ la mɔgɛnu si anu kian latugu minnu na. Dan anubɛ a fa si anu kian latugu wonu na. Wo sigi-nyɔgɛnu anubɛ wo diyana-mɔgɛnu si kasara pɔ!

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 18:26

Ni mɔgɔ-telennɛ ya a bɔ ko-nyimɛ da kun tɔ, a ni don ko-yogoma-kɛ rɔ, a si faga. A tɔgɔ si to ala ko-yogoma-kɛ wo le la.

Isikiyɛli 3:18

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Isikiyɛli 33:18

Mɔgɔ-telennɛ wa a bɔ ko-nyima-kɛ da kun tɔ ka don ko-yogoma-kɛ rɔ, a si faga ka a tɛgɛ wola ko ma.

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Isikiyɛli 7:19

Anu si anuna sɛnɛ anubɛ anuna wodi-gbɛnu nakɛ a rɔ luyinu ma iko bin-gbalɛ bawo nde, Mari wa wuli anu tɔrɔla, wo fenfen ti ke anu kunyɛ bɔla a rɔ. Fen-kolomɛ wonu ti anu mako nyinya. Anu buyi la ti fa wonu na, ado anuna sɛnɛ anubɛ anuna wodi-gbɛ, wonu denu ya anu nadon hakɛ rɔ.

Daniyɛli 9:18

E, Alla, i wɔlɔ matɔlɔ ma la. I ni i kolan maka, i ni a yen ma tɔrɔyanɛ nya min. I ni a yen fanan ko i tɔgɛ sanɛ soe min kuma, wo ye tɔrɔya-sufa min tɔ. Ka a fɔ ma telennɛ, woletɔ ma ye i matarala, wo ma de! Ma ye i matarala bawo ila kinikinɛ kolo ma wara la.

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Matiyu 18:15

“I ta-nyɔgɛ dɛnkɛninya-mɔgɛ wa ko-yogomɛ ma i la, ta a fɔ a ye. Kɔnɔ i ni a kɛ dogɔn rɔ, wo filɛ tɛma. Ni a ya a sɔn-a-la ko a ara ko-yogomɛ ma i la ka i madiya, a ara ma i na-kelen-nyɔgɛ la tun.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Romu 11:9

Mansa Dawuda ya a fɔ ko, “Anu tenbi fen-dɔn kun na ladiyɛ rɔ, alamɛ ladiyɛ mara anu tabunden-fan la. Alamɛ wo mara anu bui-kunya la.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.