Isikiyɛli 3:15 - ALLALA KUMƐ

¹⁵ N tara fɔɔ Abibu kɔnkɔ-kuma so-burɔ-mɔgɔ-biranɛnu siginɛ kan min Kiba bɛ fɛ. Ka a tɛgɛ n bara min tayen ko-rayirɛ kɛ rɔ, tele wɔrɔnfila, n mankulan bɔnɛ n ma nyɔ kilan bolo.

Isikiyɛli 3:15 ပူးပေါင်းရင်းမြစ်များ

Ko-Dabirɛnu 50:10

Anu kera gbere-kole do ma Yorodan bɛ dafɛ min tɔgɛ Atadi. Tele wɔrɔnfila, anu bi Yakoba dila nyɔ.

Yobu 2:13

Su wɔrɔnfila, tele wɔrɔnfila, anu siginɛ Yobu fɛ dugu ma nyɔ. Anu ma fɛrɛ sɔrɔn ka kirabɔ a la bawo ala dumɛ da rakolo.

Yaburi 137:1

Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Yɛrɛmaya 23:9

Nde, Yɛrɛmaya yisi ara tinya ka a tɛgɛ nɛbinu bara-koe rɔ. N fɛrɛ bɛɛ ye a dɔnna n ma. N bara ma iko gbɛɛtoe. N bara ma iko mɔgɛ min bara a to gbɛɛ ma. Mari anubɛ ata kuma-sɛnimɛ le ye n mala ka.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 10:15

(N ya nima-fan kɛnu denu yen Kiba bɛ fɛ, yɔ!) Nima-fan wonu tenbi yɛlɛla san ma,

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.