Isikiyɛli 3:13 - ALLALA KUMƐ

¹³ N ya nima-fan wonu kanban-tagbesi-kan anubɛ anu kinta-kan lamɔɛn iko dugi wa yɛrɛyɛrɛn.

Isikiyɛli 3:13 ပူးပေါင်းရင်းမြစ်များ

2 Samuwɛli 5:24

Ni i ya kinta-kan lamɔɛn pɔpɔ kɔlɔma-yanbɛ wonu na san ma, i si a lɔn wo rɔ ko nde, Mari ara ta wo yarɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

1 Mansɛnu 7:30

Kenkirɛ tonke wonu kin nanɛnu bi anu kɔrɔ iko kirindinu. Kin nanɛ wonu nadannɛ silɛɛ la. Sila-lɔngbɔn do ye anu kin fila filɛ tɛma alako ka anu bira. A ya yi-sigi-kunan bira-fannu nadan kenkirɛ wonu burɔ silɛɛ la. A ya mɔlɔnɛ ladan kunan bira-fan wonu ma.

Isikiyɛli 1:15

N bi nima-fen nanɛ kɛnu mafɛlan kun na, n ya kin nani makawanɛ yen tugula dugi la iko kirinditɛ. Bɛɛta ye a kɔrɔ.

Isikiyɛli 1:24

Anu ba gban, nde, Isikiyɛli si anu kanban-kan lamɔɛn. Anu kanban wo kan manɛ iko wasa-belebele tugu-kan. Anu kanban-tagbesi-kan wo manɛ fanan iko kɛlɛ-den-siyamɛnu kinta-kan, ado a manɛ fanani iko Alla Sɛnbɛ-Bɛɛ-Tigi kuman-kan le. Anu ba anu sulen kan min, anu si anu kanbannu namɔrɔmɔrɔ.

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.