Isikiyɛli 29:16 - ALLALA KUMƐ

¹⁶ Isirɛla ti a yigi sa Iyipiti kuma ko-wo-ko la tun. Isirɛla mɔgɛnu ba Iyipiti tinya-bole yen, anu si a lɔn ko anu ya ko-yogomɛ le ma ka anu dun anu na. Wo si a ma, anu ni a lɔn ko anu Tigi le nde, Mari la.”

Isikiyɛli 29:16 ပူးပေါင်းရင်းမြစ်များ

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

Yaburi 25:7

N bara hakɛ anubɛ ko-yogomɛ minnu kɛ nun nna denniya-wati rɔ, i ni n makoto wonu na. I ni i hɛnkili to n ko bawo ila mɔgɛnu di i ye, ado a di i ye, i ni ko-nyimɛnu kɛ anu ye.

Yaburi 79:8

I kana ma bira ma benbanu hakɛ yili la. Kinikini ma ma ka! Ma yigi ara tɛgɛ gbati!

Aiseya 20:5

Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Isikiyɛli 21:23

Yerusalɛm kɛnu si tɛrɛna ile, Isikiyɛlita kumɛ la bawo anu hɛnkili latɛgɛnɛ sarama-kan ma anu tɛma nun. Kɔnɔ ila kumɛ si anu nalɔn anuna hakɛla ko ma ka anu makawandi anu don-koe biralɛ rɔ.

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 29:21

“Wo wa ma tumɛ min, n si Isirɛla mɔgɛnu tagbɛlɛya gbon! Ile Isikiyɛli nyɛrɛ si kuma alako bɛɛ ni a lɔn ko Mari le nde la.”

Isikiyɛli 29:9

Iyipiti si ma nyamani-tinyanɛ la. Anu bi a lɔnna wo le ma ko Mari le nde la. “A fɔɛ a bolo ko Iyipiti mansɛ letan Nayɛli bɛ la, ado a ko ale le ya a ladan,

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Yilan-Yilan Koe 5:15

Ni tonyɛ ye a rɔ wo, ni tonya sa a rɔ wo, kei wo si ta ala musi wo la saraka-masɔlɛ wara. Kei wo ni ta bu-gbɛngbɛnnɛ pani-kunbɛ-nya fila la a bolo. Kɔnɔ a kana ɔlifi-tuli kɛ a rɔ, ni wo ma, isɛnti kamasɔrɔn sarakɛ le kɛ la kei wo ya min ma bawo a ara sui ala musi ma. A sɔgɛ ye a la ka tonyɛ labɔ gbɛ rɔ.

Hiburunu 10:17

Wo kɔma, a ko, “N miriya ti to anu hakɛnu ko tun. N yili ti to anuna kɛwɔli-yogomɛnu ko tun.”

Hiburunu 10:3

Kɔnɔ tura-yele anubɛ baa-yele ti ke hakɛnu banna. San-bo-san, sarakɛ wonu bi mɔgɛnu hɛnkili labilala anu hakɛnu ma tolon!

Lankɛnimayɛ 16:19

Babilɔn-so-wɛ farata sigi tina sawa la. Nyamanɛ bɛɛta so-wɛnu fanan halakira. Alla ya a fonde to Babilɔn-so-belebele ko. Allata diminya-belebele ye yi-lafɛ min tɔ iko gbɛɛ, a ya a ma, Babilɔn ya a min wo la.