Isikiyɛli 29:11 - ALLALA KUMƐ

¹¹ Mɔgɔ ti tagama nyɔ hali soge. San bi-nani dɛgɛdɛgɛ, nyɔ-rakolonyanɛ si to filili!

Isikiyɛli 29:11 ပူးပေါင်းရင်းမြစ်များ

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Aiseya 23:15

San bi-wɔrɔnfila si tenbi, mansa kelenta wati, kɔni, mɔgɔ ti a miri Taya soe ma wo wati rɔ. Ni san wonu bara ban, Taya soe kɛ si ma iko anu bi yɛlɛn-musi min sigi sala ko,

Aiseya 23:17

San bi-wɔrɔnfilɛ wo wa ban, Mari si sɔn wole Taya kɛnu ni sɛgi anuta wɔli-kɔrɔ-yogomɛ ma tun. Wo si fen-mayirɛ-kɛ duninya mumɛ ma tun.

Aiseya 34:10

Tɛ si to sigini a la dɔnkɔnyɔ, su-ni-tele. A sisi si to yɛlɛla kulakula! Nyamanɛ tinyanɛ si to burubukai! Mɔgɔ-wo-mɔgɔ ti tagama nyamanɛ wo rɔ tun!

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Yɛrɛmaya 46:19

Iyipiti kɛnu ni anuna mirannu mabɛn bawo anu biratoe le ka ta anu na. Mɛmfisi soe si ma wula-da-rakolɔn la mɔgɔ sa kan min.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Isikiyɛli 31:12

Sibole do min karagbɛlɛ bɛɛ ko, wo si a tɛgɛ ka a sani to dugi ma fuyan! A bolon-kinamɛnu anubɛ a bolon-mɛsɛnu ta si nyɛnsɛn kɔnkɛnu anubɛ lɛɛnu tɔ nyamanɛ wo bɛɛ rɔ. Sibole min bɛɛ siginɛ a ninɛ kɔrɔ, wonu si ta anu kun fɛ.

Isikiyɛli 32:13

N si anuna ninki bɛɛ halaki minnu bi anu de-nyinina anuna yi-bi-tinɛnu tɔ. Mɔgɛ anubɛ ninki-wo-ninki ti taran tun minnu si yi dundu.

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.