Isikiyɛli 28:4 - ALLALA KUMƐ

⁴ Ala hɛnkilimayɛ anubɛ ala halliyɛ ara a ma nɔnfulu-tigi la ka sɛnɛ anubɛ wodi-gbɛ sɔrɔn duk!

Isikiyɛli 28:4 ပူးပေါင်းရင်းမြစ်များ

Hɛnkilimaya-Kumɛnu 18:11

Nɔnfulu-tigi ya ala nɔnfuli le lɔn ala kisilɛ la. A ya a lɔn ko tarɛ le ala fen-tigiyɛ wo la, mɔgɛ ti ke tenbila min na.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Aiseya 10:13

Asiriya mansɛ ye a nyɛrɛ matɔgɔla ko a kelen pe le ya wo dama ma ata sɛnbɛ anubɛ kɛwuyɛ la. A ko ale le ya nyamani-siyaman nana ata fanka kɔrɔ. Fan min bɛɛ maranɛ nyɔnu tɔ, a ko ale le ya wonu toronde anu na. A ko a ya nyɔ-mansɛnu don a kian kɔrɔ iko tura-feremɛ wa bore radondon.

Yɛrɛmaya 49:4

Nfenna lanayabɛlɛnu bi anu nyɛrɛ matɔgɔla ko anu tagbɛlɛ? Nfenna anu yili latɛgɛnɛ ko anu nɔla-wo-nɔla sa nyɔ?

Isikiyɛli 27:33

Ata yilaya-fannu ba ta yi kɔma nun, wonu si nyamanɛ bɛɛ madɛnbɛn de! Mansɛnu mara nɔnfulu-tiginu na ka a tɛgɛ anu ya nɔnfuli min sɔrɔn Taya kɛnuna yilaya-fannu tɔ.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.