Isikiyɛli 28:26 - ALLALA KUMƐ

²⁶ Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 28:26 ပူးပေါင်းရင်းမြစ်များ

1 Mansɛnu 4:25

Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

Yaburi 149:9

Anu ni sibolenu tɔrɔ iko Alla ara a latɛgɛ nya min. Allata mɔgɛnuta nɔlɛ le kɛnu na. Bɛɛ ni Mari tanto.

Bɔ-Koe-Iyipiti 29:46

Wo si a lɔn ko nde le wota Mari Alla la min ya wo labɔ Iyipiti nyamanɛ rɔ. Wo si a ma, n ni sigi wo tɛma. Nde le wota Mari Alla la.

Hɛnkilimaya-Kumɛnu 14:26

Ni min kilanta Mari la, wo yili latɛgɛni de, ado anubɛ ala denbayɛ la si fɛrɛ.

Aiseya 17:14

Wurala-tumɛ wa ke, mɔgɛnu kumakɔnɛ si to kɔnɔ yanni bandɛ ni ka, wo si a taran, anu bara tunu iko munku-gbu kelan. Mɔgɔ-wo-mɔgɔ wa na ma kɛlɛ tinɛ, a ye mala wonu na wo nya na le.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 30:16

Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Yɛrɛmaya 32:15

Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 32:43

Mɔgɛnu bi a fɔla ko nyamanɛ kɛ si ma wula-da-rakolɔn la. Mɔgɔ ti taran nyɔ. Kolo-fen ti taran nyɔ, ado nyɔ si ma Babilɔn kɛnu halalɛ la. Kɔnɔ Mari ko wɔli-kɛ-tinɛnu ma si yira nyamanɛ kɛ rɔ tun.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Isikiyɛli 28:22

Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.

Isikiyɛli 28:24

Mari ko, “Sibole min bɛɛsi ye Isirɛlala foolɛ rɔ, minnu tɛgɛnɛ anu tɔ, wonu ti ma gbankinya anubɛ gbangbufe la Isirɛla mɔgɛnu ye tun. Wo si a ma, wonu ni n lɔn anu Tigi Mari la.”

Isikiyɛli 34:14

N si a ma, anu nafɛrɛnɛ ni to anu de-nyinina kɔnkɔ-tɛma-lɛɛnu tɔ Isirɛla nyamanɛ mumɛ rɔ.

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 36:9

N bi anu fɛ, yɔ! N si a ma, anuna dugi ra ni sin tun ka suginu fui anu tɔ.

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 39:10

Anuna ko ti taran sɔgɔ-nyini-ko rɔ tun ka a tɛgɛ kɛlɛ-miran-nadɛnnɛ wonu ma. Minnu nara wo bolo-fannu bi tinɛ wo bolo, wole fanan si wonu bolo-fannu bi anu bolo. Nde, wo Tigi Mari kan le kɛ la.”

Hoseya 11:11

Wo burimatoe si na ka bɔ Iyipiti anubɛ Asiriya nyamanɛ rɔ iko kangbɔɛ. N si a ma, bɛɛ ni sigi a halala-soe rɔ. Nde, Mari nyɛrɛ kan le kɛ la.”

Hoseya 2:15

N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Hoseya 2:18

Wo wati rɔ, sogo wo, koni wo, sagan-fen wo, nde, Alla ko anubɛ wonu si sarama-kan kiri anu nyɔgɔn tɛma alako wonu kana ko-yogoma fenfen ma nta mɔgɛnu na. N si kɛlɛ-kɛ-fannubɛ kɛlɛ wara-koe bɛɛ ka-a-la nyamanɛ rɔ, a faan wo, a kalabɛn wo. Nta mɔgɛnu si to yisi-kimɛ anubɛ lafɛrɛ rɔ wulɔn.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Tɔn-Fɔɛ-Fila-Nyɔgɛ 12:10

Wo wa Yorodan bɛ kɛ tɛgɛ wati min, wota Mari Alla si a ma, wo si lanyiri-nyamanɛ wo bi wo si sigi kan min. A si wo tanka wo yogenu ma. Wo si sigi lafɛrɛ rɔ.