Isikiyɛli 28:24 - ALLALA KUMƐ

²⁴ Mari ko, “Sibole min bɛɛsi ye Isirɛlala foolɛ rɔ, minnu tɛgɛnɛ anu tɔ, wonu ti ma gbankinya anubɛ gbangbufe la Isirɛla mɔgɛnu ye tun. Wo si a ma, wonu ni n lɔn anu Tigi Mari la.”

Isikiyɛli 28:24 ပူးပေါင်းရင်းမြစ်များ

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 55:13

Wɔnɔ-firɛnu si yɛlɛma kɔlɔma-hakikɛnu na. Kala-dugi si ma firɛ la. Kɛ wa ma tumɛ min, wo hɛnkili ni to bilala Marita lanyiri ko. Kɛ si ma habadan-misalɛ la min ti tinya muk!

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Isikiyɛli 28:23

N si kirayɛ latugu anu kun na ka dugu-kole ban anu yele la yɛgbɛ! Anu yogenu si kɛ anu ma kan-tinɛ bɛɛ rɔ. A mɔgɛnu si to fagala. Wo kɔma, anu si a lɔn wo le ma ko Mari le nde la.”

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 39:28

Nde le ya anu don biralɛ rɔ nun, ado nde le nara anu na tun anuta nyamanɛ rɔ. Hali mɔgɔ-den-kelen ma to kɔma. Wo bɛɛ wa kɛ tumɛ min, nna mɔgɛnu bi a lɔnna wo le ma ko anuta Mari Alla le nde la.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Yilan-Yilan Koe 33:55

“Kɔnɔ n bi wo makawandila ko ni wo ma mɔgɛ kɛnu gben minnu bi tola wo tɛma, wonu si wo tɔrɔ iko wɔnɛ tenbi mɔgɔ yɛ rɔ, ni wo ma, iko tanba-sungban tenbi mɔgɛ kɛɛ kɔrɔ. Anu si wo yakɔrɔ-mamɔ tuma-wo-tuma ka to wo kɛlɛla.

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

Yasowa 23:13

wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Kɛlɛ-Kurugbɛnu 2:3

Woletɔ n bara a latɛgɛ ko n ti mɔgɛ wonu gben wo yarɔ tun. Anu si ma wo yogenu na. Anuna bɛsi-kɔ-koenu si wo bira iko gbɛrɛ.”