Isikiyɛli 28:17 - ALLALA KUMƐ

¹⁷ Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Isikiyɛli 28:17 ပူးပေါင်းရင်းမြစ်များ

Yaburi 147:6

A ye mɔgɔ-famayiginɛnu sɔla yiri! Kɔnɔ a si karagbɛlɛnu fɛrɛn dugi la ka anu bunden korr!

Yaburi 73:18

I si ta anu sɔ kila-namanɛ la alako anu ni bui kasarɛ rɔ.

Hɛnkilimaya-Kumɛnu 11:2

Mɔgɔ-wasinɛ ti mɛ yarabila kɔnɔ hɛnkilimayɛ ye mɔgɔ-mafaganɛ bolo.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Aiseya 25:12

A si Mohabu so-latankanɛ bɛɛ tii mɛmɛ hali tarɛ min bi yɛlɛla fulufele! Wo bɛɛ si bui gbangban rɔ.

Aiseya 26:5

Minnu wasinɛ, a si wonu makimɛ. Anu siginɛ so-latankanɛ minnu tɔ, a si wonu kasara. A si wola tara-layan-bɛ labui gbangban rɔ.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Isikiyɛli 23:48

N si tɔn sigi anu kɛ-nya-yogomɛnu na. Wonu bara-koe si ma makawandili tamasere la nyamanɛ bɛɛ rɔ musi bɛɛ ye ka a tɛgɛ yɛlɛnya-koe ma.

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 27:3

Taya soe sɔnɛ kɔgɔ-yi dafɛ le, ado anubɛ kɔgɔ-yi-fɛ-mɔgɛnu bi yilayɛ la anu nyɔgɔn tɛma. I ni nde, wo Tigi Marita kumɛ latenbi Taya kɛnu ma ko Taya soe taranta a diya la ala kinya-belebele-wɛ la.

Isikiyɛli 27:4

A warɛ le kɔgɔ-yi la. Minnu ya a sɔ, wonu ya a lakinya iko yi-kuma-kulun-hakikɛ ladannɛ nya min.

Isikiyɛli 28:15

Ka a bi a dan lunyɛ ma ha ka a sigi ala ko-yogoma-ladan-wati la, a kɛ-nya bɛɛ telenta.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Isikiyɛli 28:7

nde, Mari si a yoge karagbɛlɛnu natugu a kan ma. A ara min dama sɔrɔn ala hɛnkili anubɛ halliyɛ wo rɔ, anu si fen-nyimɛ wo bɛɛ kasara.

Isikiyɛli 31:10

“Nba, kɔlɔma wo min fulufele ye yɛlɛla wo la ka tugu banda-finyɛ la, min bi nala mala kɔlɔma wo la, nde, wo Tigi Mari ye nala wo fɔla i ye. A ye tala yanyala nya min, ala wasinteyɛ kuma ye tala yɛlɛla wo nya na le.

Isikiyɛli 32:10

N bi min sigila a ma, wo si sibolo-siyaman maban. N ba nna faan layigi, mansɛnu si to yɛrɛyɛrɛnna kilan bolo. A wa bui lunyɛ min, mansɛ wonu si to buila kumakɔɛ bolo ka a tɛgɛ anu niyila ko ma.

Daniyɛli 11:12

A si wasi bawo a ara kɛlɛ-den-siyaman faga. Kɔnɔ hali wo, a ti to nɔ-ko sɔrɔnna kɛlɛ rɔ.

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”