Isikiyɛli 28:16 - ALLALA KUMƐ

¹⁶ A nyagbanɛ fen-mayirɛ anubɛ fen-san la nun kɔnɔ wo le ya a ma, a donta karagbɛlɛyɛ anubɛ hakɛ kɛ rɔ. Wo le ya a ma, n ya a gben nta kɔnkɔ-sɛnimɛ kuma ka a lamiliya. Melika min bi a makandanna, wo ya a gben kuru-da-gbɛlɛ malan-malannɛ wonu tɛma.

Isikiyɛli 28:16 ပူးပေါင်းရင်းမြစ်များ

Ko-Dabirɛnu 3:24

Wo kɔma, fan minnubɛ melika munta, Alla ya wonu nana Idɛn nakɔɛ wo makandan tinɛ tele-bɔɛ wara la. Kɛlɛ-kɛ-faan min bi malanna iko ta-mɛlan, wo ye firifirila nimaya-kɔlɔma warata-kilɛ la.

Aiseya 22:19

Ale Mari si i wurun ila sɔ tinɛ rɔ ka i wara-koe layigi don!

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Isikiyɛli 28:14

N ya melika-makilannɛ do to nyɔ-mansɛ makandan tinɛ. A siginɛ nta kɔnkɔ-sɛnimɛ kuma kuru-da-gbɛlɛnu tɛma silɛ ye tiila minnu ma.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Hoseya 12:7

Mari ko, “Wole Isirɛla mɔgɛnu telenni ma ha wo mara iko Kenan kɛnu. Minnu bi nala feri kɛla wo ma, wonu kensɔn di wo ye fen-suman-tinɛ.

Emɔsi 3:9

Nɛbi Emɔsi ya Mari kuman-kan natenbi Iyipiti mansɛ ma anubɛ Filisitinuna mansɛ ma min siginɛ Asadadi soe rɔ. A ko, “Mari ko nyamani-kun filɛ kɛ mɔgɛnu ni anu nadɛn kɔnkɛnu kuma Samariya soe dafɛ ka anu yɛ bɛn Isirɛla mɔgɛ wonu ma, anu bi ko-yogoma-sifa minnu mala.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Sɛfanaya 1:9

Minnu si sibolo-gbɛrɛnuta namunyɛ bi bɛsi-kɔ-tinɛ, wonubɛ minnu bi mɔgɔ-fagɛ anubɛ kankanyɛ kun na alako anu ni anu tiginuna bɔnnu nafa, Mari ko a si wonu tɔrɔ.

Yɔni 2:16

Minnu bi kangbɔɛnu ferela, a ya a fɔ wonu ye ko, “Wo ni anu bɔ yan! Wo kana n Fala bɔn ma feri-kɛ-tinɛ la!”

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.