Isikiyɛli 28:15 - ALLALA KUMƐ

¹⁵ Ka a bi a dan lunyɛ ma ha ka a sigi ala ko-yogoma-ladan-wati la, a kɛ-nya bɛɛ telenta.

Isikiyɛli 28:15 ပူးပေါင်းရင်းမြစ်များ

Ko-Dabirɛnu 1:31

Alla ya fan min bɛɛsi dan duninya rɔ, a ya wonu mafɛlɛn. Wo ya a hɛnɛ feu! Suyi kera, bandɛ kara. Wo mara a tele wɔrɔ nyɔgɛ la.

Hɛnkilimaya-Kumɛnu 14:34

Telenbagayɛ si a ma, nyamanɛ ni ta yarɔ kɔnɔ hakɛ si mɔgɛnu nayarabi pɔ!

Makawandili Kumɛnu 7:29

Kɔnɔ nde ya kɛ le dɔrɔn yen kɛ rɔ, Alla ya ma latelennɛ dan. A ma ma pirinkan. Male le wara ma nyɛrɛ pirinkan.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Nimisa Koe 5:16

Ma wasinɛ fan min bɛɛla ko la nun, wo fenfen ma to ma bolo tun. Gbalo ye ma kuma bawo ma ara hakɛ min kɛ.

Isikiyɛli 28:12

“Ile hadama-dan, ile fanan ni saya-sigi sa i sɛbɛ-kuna-wɛ la ka a tɛgɛ Taya mansɛ kɛ laban-bole ma. Nde, wo Tigi Marita kumɛ kɛ latenbi ko ale Taya mansɛ, ko-latelenni-misalɛ le ale la nun. A hɛnkili ye nun, ado a mafɛlɛn di.

Romu 7:9

Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara,

2 Pita 2:4

Melika minnu fɔlɔn ya hakɛ kɛ, Alla ma wonu yamasansan. A ya anu nakɛ Nyahanama rɔ ka yɔlɔkɛ kɛ anu ma pinpi rɔ kiti-tele makɔnɔ tinɛ nyɔ.