Isikiyɛli 28:13 - ALLALA KUMƐ

¹³ A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Isikiyɛli 28:13 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 2:8

Wo kɔma, Mari Alla ya nakɔɛ labɔ kan tinɛ do rɔ min tɔgɛ Idɛn. Wo ye tele-bɔɛ wara la. A ya kei min dan, a ya wo sigi nakɔɛ wo rɔ.

Yobu 28:19

A tenbira kuru anubɛ Itiyopiya sɛnɛ anubɛ dugu-kɔrɔ-nɔnfulu-su bɛɛ la.

Aiseya 14:11

Fɔlɔ nun, anu bi ale Babilɔn mansɛ gbiliyala bɔlon-kan la kɔnɔ a ye lakira le gbɛ! A sa-fan manɛ tunbinu denu na. Ala burun-kurɛ ye tɔnɔkɛnu denu na.

Aiseya 23:16

Ile yɛlɛn, keinu bara nyina ila ko la. Ila bɔlɔn bi ka soe ratagama. Ila siginu sa ka ila bɔlɔn fɔ min si a ma, keinu yili ni to i ko tun!

Aiseya 24:8

Tɔn si sigi anuna bɔlon-fɔɛ anubɛ kɔbɔn-fɔɛ la.

Aiseya 30:32

Marita bosɛ tenbi anu tagbesila tumɛ min, yonbo-kan anubɛ bɔlon-kan ye tala anu nyɔgɔn fɛ. A si anu kɛlɛ ata kɛlɛ-kɛ-miran-sɛnbɛmɛnu na.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Isikiyɛli 21:30

“Wole Amonnu, wo ni wola faannu nasɛgi anu lɛɛnu tɔ. N si wo kiti wo sɔrɔn-nyamanɛ rɔ.

Isikiyɛli 26:13

N si tɔn sigi anuna sigi-sɛnu anubɛ anuna sɔrɔn-fɔɛnu na.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Isikiyɛli 27:22

Siba kɛnu anubɛ Reyama kɛnu ya kuru-da-gbɛlɛnu anubɛ sɛnɛ anubɛ kɛnɛ-hakikɛnu felen Taya kɛnu ma.

Isikiyɛli 28:14

N ya melika-makilannɛ do to nyɔ-mansɛ makandan tinɛ. A siginɛ nta kɔnkɔ-sɛnimɛ kuma kuru-da-gbɛlɛnu tɛma silɛ ye tiila minnu ma.

Isikiyɛli 28:15

Ka a bi a dan lunyɛ ma ha ka a sigi ala ko-yogoma-ladan-wati la, a kɛ-nya bɛɛ telenta.

Isikiyɛli 36:35

Mɔgɔ ti nyamani-tinyanɛ kɛ yen tun. Anu si a fɔ ko a mafɛlɛn di iko Idɛn nakɔɛ ye nya min nun. Mɔgɛnu ti anuna soenu yen tonbonyɛ la. Anu si soe wonu fanan yen tun tarɛ mininɛ anu ma.

Yowɛli 2:3

Anu bi ki-fannu banna le iko tɛ ye bin-gbalɛ banna nya min. Mala nyamanɛ mani de anu ya rɔ iko Alla ya nakɔɛ min nadan ma benba Hadama ye. Anu ba bɔ kan min, nyɔ si ma iko wula-da-rakolɔn. Anu ti tenbi fenfen na.

Lankɛnimayɛ 17:4

Musi wo fɛrɛya bɔnɛ kura-bilolamɛ anubɛ a wulenmɛ la. A makirinɛ sɛnɛ anubɛ kuru-da-gbɛlɛ anubɛ kɔnɔ-kolo-da-gbɛlɛ-gbɛmɛ la. Sɛnɛ-yi-lafɛ ye a bolo tɔ. Wo lafanɛ ko-latinyanɛnu anubɛ ala yɛlɛnya-ko-haramunɛnu na.

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’