Isikiyɛli 27:6 - ALLALA KUMƐ

⁶ Anu ya Ɔki kɔlɔmanu bɔ Basan nyamanɛ rɔ ka kɔn-gbɛlɛmɛ wonu ma kulɔn wo laburi-fannu na. Anu ya pain-fɛrɛn-hakikɛnu bɔ Saiparasi yi-tɛma-dugi rɔ ka wo ma kulɔn wo kole-ladan-fan la ka sogo-ba-nyin basan wo la tala.

Isikiyɛli 27:6 ပူးပေါင်းရင်းမြစ်များ

Ko-Dabirɛnu 10:4

Yefɛtila den Yefan wo ya den-kei mɔgɔ nani sɔrɔn, Ilisa wo, Tasisi wo, Kitin wo, anubɛ Rodanim.

Aiseya 2:13

A si Lɛbanan kɔlɔma-layan-bɛnu nabui anubɛ ka Basan nyamanɛ kɔlɔma-kunbɛnu bunden.

Aiseya 23:1

Sarakanɛ le kɛ la Taya kɛnuna ko la. Wole kulun-tawɔli-kɛlɛ minnu bi kɔgɔ-yi kuma, wo ni wo dɛ bolobɔ di-kɛ-tinɛ. Wo bɔra Taya soe min tɔ, wo ara kasara pɔ! Nyɔ-bɔnnu wo, a kulun-nasɔ-tinɛ wo, wo bɛɛ ara tinya pɔ! Wo wa sɛgi ka bɔ Saiparasi tumɛ min, wo si a mankan lamɔɛn.

Aiseya 23:12

Ile Saidon soe, ita sewɛ ara ban. Ila mɔgɛnu bi tɔrɛ rɔ. Hali anu ya anu buri tala Saiparasi yi-tɛma-dugi rɔ, anu kunyɛ ti bɔ gbaran rɔ.

Yɛrɛmaya 2:10

Sibolo-wo-sibolo sa nyɔ minnu bara anuta bɛsɛ mayɛlɛma ka a kɔrɔmɛnu nabɔ ka a kurɛnu nadon, hali Alla-bɛrɛ ma wo fenfen na. Wo ni kɔgɔ-yi ratɛgɛ tele-yigi wara la ka Saiparasi yi-tɛma-dugi mafɛlɛn. Wo ni donu nata tele-bɔɛ wara la ha Kedari nyamanɛ rɔ. Wonu ni nyɔ lakɔrɔsi ka a lɔn ni ko sufa kɛ do ara kɛ wonu ye. Kɔnɔ wole Marita mɔgɛnu bara wota Alla-makawanɛ boloka ka bɛsi-fufafuyinu natenbi ale la.

Yɛrɛmaya 22:20

Wole Yerusalɛm kɛnu, wo ta Lɛbanan nyamanɛ rɔ ka wo dɛ bolobɔ. Wo ta di Basan nyamanɛ rɔ. Wo ni wo kuli mayɛlɛ di-kɛ-tinɛ Mohabu kɔnkɛnu ma bawo wo yogenu bara wo dɛnbɛnɛnu nɔ.

Daniyɛli 11:30

bawo Romu kɛnu si na kulun-siyaman na anu bolo. Anu si ale mansɛ kɛlɛ. Kilan si a ma, a ni sɛgi a kɔma. “A wa sɛgi a kɔma tumɛ min, a si diminya ha Mari-bato-koe tinya-sɔgɛ si a bira. Minnu ya anu kan-kɔ sɔ Alla la, ale mansɛ si a tole masɔ wonuna kawandili-kan la.

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

Yilan-Yilan Koe 21:33

Isirɛla mɔgɛnu ya anu ya-lamunun Basan nyamanɛ la. Basan Mansa Ɔku anubɛ ata kɛlɛ-dannu wulita ka na Isirɛla mɔgɛnu taran Ɛdiriya soe dala.

Yilan-Yilan Koe 24:24

Mɔgɛ kɛnu si na yi kuma ka bɔ Saiparasi yi-tɛma-dugi rɔ. Anu si Asiriya anubɛ Iburu mɔgɛnu nɔ. Kɔnɔ mɔgɛ wo minnu bi nala ka bɔ Saiparasi, wonu si faga ka ban feu!”