Isikiyɛli 27:5 - ALLALA KUMƐ

⁵ Anu ya kulɔn wo ladan fɛrɛn-hakikɛ minnu na, wonu bɔra Hɛrɔman kɔnkɛ le tɔ. Anu ya Lɛbanan-sida-kɔlɔma bi ka a ma kulɔn wo fani-bira-kɔn la.

Isikiyɛli 27:5 ပူးပေါင်းရင်းမြစ်များ

1 Mansɛnu 5:1

Mansa Hairam min siginɛ Taya soe burɔ, Mansa Dawuda diyana-mɔgɛ le wo la nun. Wo ya a lamɔɛn tumɛ min ko Mansa Silamɛni bara ma mansɛ la a fa Dawuda gbɛ rɔ, a ya ala mɔgɔ-ba donu nata Mansa Silamɛni kɔndɔn tinɛ.

1 Mansɛnu 5:6

Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

1 Ko-Kɔrɔta-Karan 5:23

Manasa bɔnsɔn-talɛ minnu bi Yorodan bɛ tele-bɔɛ wara la, wonu tara sigi Basan nyamanɛ rɔ. Anu tara sigila kantɔ-wara la ha ka ta ke Beyali-Hɛrɔman soe dafɛ anubɛ Siniri kɔnkɛ kɔrɔ, anu bi a fɔla kɔnkɛ min ma fanan ko Hɛrɔman. Anu tora yirila nyɔ ka siyaya.

2 Ko-Kɔrɔta-Karan 2:7

Woletɔ i yandi, boloma-wɔli-kɛlɛ donu nana n ma minnu kusan sɛnɛ anubɛ wodi-gbɛ anubɛ silɛɛ anubɛ nɛgɛ ladanna. Wo kɔma, i ni mɔgɛnu nana n ma minnu kusan kura-bilolamɛ anubɛ kura-wulan anubɛ kura-finyɛ ladanna. Wonu ni na kofu nna boloma-wɔli-kɛlɛnu ma, n fa Mansa Dawuda ya minnu yabɔ Yerusalɛm soe burɔ Yuda nyamanɛ kɛ rɔ.

Yaburi 104:16

Ile ye yi-siyaman dila Lɛbanan-kɔlɔma-hakikɛnu ma. Ile Marita kɔlɔma-kinɛ le wonu na.

Yaburi 29:5

Mari kuman-kan si kɔlɔma-belebele-wɛnu takerikeri. Katarala Lɛbanan kɔlɔmanu ma minnu tagbɛlɛ gbon!

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Keninteya-Siginu 4:8

N sisirɔ-musi, na, ma ni bɔ Lɛbanan kɔnkɛnu kɔrɔ yan. Ma ni bɔ Amana anubɛ Hɛrɔman kɔnkɛnu kɔrɔ yarɛnu anubɛ kulinu bi kan min.

Aiseya 14:8

Hali Lɛbanan kɔlɔma-hakikɛnu, wonu si sewa mansɛ kɛ faga-koe la bawo ni mansɛ ara so-sɛgi-kɛ, mɔgɔ-wo-mɔgɔ sa nyɔ tun minnu si ale kɔlɔmanu tɛgɛ.

Isikiyɛli 27:4

A warɛ le kɔgɔ-yi la. Minnu ya a sɔ, wonu ya a lakinya iko yi-kuma-kulun-hakikɛ ladannɛ nya min.

Tɔn-Fɔɛ-Fila-Nyɔgɛ 3:9

(Saidon kɛnu ya Hɛrɔman kɔnkɛ kele ko Siriyon. Amoranu ya ale kɔnkɛ kele ko Siniri.)