Isikiyɛli 27:16 - ALLALA KUMƐ

¹⁶ Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Isikiyɛli 27:16 ပူးပေါင်းရင်းမြစ်များ

Ko-Dabirɛnu 28:5

Isiyaka ya Yakoba lata. Yakoba tara a berin Leban wara Mɛsopotemiya nyamanɛ rɔ minnubɛ a na Rebɛka sɔrɔnta, Bɛtuwɛli, Aram kɛla dannu, kɔni.

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 8:5

Siriya-nyamanita-mɔgɛ minnu siginɛ Damasika soe burɔ, wonu ya a lamɔɛn nkɛkuna ko Mansa Dawuda ara ta bui Soba soe ma, wonu ya anuna kɛlɛ-dannu nata Mansa Hadadisa dɛnbɛ tinɛ. Wonu fanan ke nyɔ, Mansa Dawuda ya mɔgɔ waga mogan-ni-fila (22,000) faga wonu tɔ.

Isikiyɛli 16:10

N ya duruku-bonni-hakikɛ don i kan na. N ya gbolo-sanbara-hakikɛ di i ma. N ya linɛn-kun-yili-hakikɛ anubɛ kura-da-gbɛlɛ di i ma.

Isikiyɛli 16:13

I makirinɛ sɛnɛ anubɛ wodi-gbɛ la. I ya linɛn-kura-bonnɛ anubɛ kura-da-gbɛlɛ do don. I wara biredi don min nadannɛ dɛgɛ-munku-hakikɛ anubɛ liyi anubɛ tulu-hakikɛ la. Ila kinyɛ bɔra gbɛ ma. I mara musu-mansɛ la.

Isikiyɛli 16:18

N ya kura-bɔnni-hakikɛ minnu di i ma, i ya wonu bi ka wonu ma bɛsi-kei wonu makiri-fan la. Nna tulu-hakikɛ anubɛ nna isɛnti, i ya wonu natenbi bɛsɛ wonu ma.

Isikiyɛli 16:57

Yanni ile sɔn-yogomɛ ni bɔ gbɛ rɔ, i ma yɛlɛn anu ma nun, ba? Ile fanan bara ma yɛlɛnma-fan la iko anu denu. I gbo minnu ye iko Idɔm kɛnu anubɛ Filisitinu anubɛ sibolo-gbɛrɛ minnu bi wola foolɛ rɔ, i wara ma yɛlɛnma-fan la wonu fanan ye.

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.