Isikiyɛli 27:15 - ALLALA KUMƐ

¹⁵ Taya kɛnu anubɛ Didan kɛnu ya yilayɛ kɛ anu nyɔgɔn tɛma, ado kɔgɔ-yi-dafɛ-sigilɛnu taranta sogo-ba-nyin anubɛ ɛbɔni-kɔlɔmanu felenna Taya kɛnu ma fan donu na.

Isikiyɛli 27:15 ပူးပေါင်းရင်းမြစ်များ

Ko-Dabirɛnu 10:7

Hamala den Kusi wo ya den mɔgɔ loli sɔrɔn, Siba wo, Hafila wo, Sabata wo, Reyama wo, anubɛ Sabiteka. Kusila den Reyama wo ya den mɔgɔ fila sɔrɔn, Siba anubɛ Didan.

Ko-Dabirɛnu 25:3

Kɔnɔ ala dan Yokisan wo ya den mɔgɔ filɛ sɔrɔn, Siba anubɛ Didan. Didan fanan ya den mɔgɔ sawa sɔrɔn. Den mɔgɔ sawɛ wonu bɔnsɔn tɔgɛ le kɛnu na, Asurinu wo, Letusinu wo, anubɛ Luminu.

1 Mansɛnu 10:22

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

1 Ko-Kɔrɔta-Karan 1:32

Iburayima fɛ-sigi-musi Ketura ya den-kei wɔrɛ minnu sɔrɔn Iburayima ye, wonu tɔgɛ le kɛnu na, Simiran wo, Yokisan wo, Midan wo, Midiyan wo, Isibaki wo, anubɛ Suwa. Iburayimala den Yokisan ya den-kei mɔgɔ fila sɔrɔn, Siba anubɛ Didan.

1 Ko-Kɔrɔta-Karan 1:9

Hamala den Kusi, wo ya den-kei mɔgɔ loli sɔrɔn, Siba wo, Hafila wo, Sabata wo, Reyama wo, anubɛ Sabiteka. Kusila den Rama, wo ya den-kei mɔgɔ fila sɔrɔn, Siba anubɛ Didan.

2 Ko-Kɔrɔta-Karan 9:21

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta, san fila a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

Aiseya 21:13

Sarakanɛ le kɛ la Arebiya kɛnuna ko la. Wole Didan kɛ minnu bi wo daga makɛla wula-da-rakolɔn rɔ,

Yɛrɛmaya 25:23

Didan, Tema, anubɛ Busi so-tiginu wo, mɔgɛ minnu si anu kun-sigi wuruya wo,

Yɛrɛmaya 49:8

Didan so-burɔ-mɔgɛnu ni anu kan-kɔ sɔ. Anu ni anu buri tala anu dogonna. Mari ko a ye nala Isɔ kegeyɛnu kasarala, Idɔm kɛnu, kɔni bawo anu tɔrɔ-wati ara ke a bolo.

Isikiyɛli 25:13

Woletɔ n bara a latɛgɛ ko fɔ n ba Idɔm kɛnu tɔrɔ ka mɔgɛ bɛɛ faga anubɛ anuna kolo-fannu. Ka a dabira Tɛma soe ma ha ka ta a sigi Didan soe la, n si nyamanɛ wo bɛɛ tinya pɔ, ado nyɔ-mɔgɛ bɛɛ kunyɛ si to kɛlɛ rɔ.

Isikiyɛli 27:20

Anubɛ Didan kɛnu ya yilayɛ kɛ kirikɛ-kɔrɔ-sa-kurɛnu na.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.