Isikiyɛli 27:10 - ALLALA KUMƐ

¹⁰ “Taya kɛlɛ-dannu bɔra nyamani-kurɔn kɛnu denu tɔ, Pasiya wo, Ludi wo, anubɛ Libiya. Anu ya anuna nɛgɛ-walannu anubɛ anuna nɛgɛ-fulɛnu dun Taya kɛnuna kɛlɛ dagɛ rɔ, ado anu denu denu ya wo tɔgɛ lawanka.

Isikiyɛli 27:10 ပူးပေါင်းရင်းမြစ်များ

Ko-Dabirɛnu 10:13

Hamala den Misiram min tɔgɛ fanan Iyipiti, wo ya den mɔgɔ wɔrɔnfila le sɔrɔn, Ludin wo, Anam wo, Lehabi wo, Nafitu wo,

Ko-Dabirɛnu 10:6

Nowala den Hama ya den-kei mɔgɔ nani sɔrɔn, Kusi wo, Misiram min tɔgɛ fanan Iyipiti wo, Put min tɔgɛ fanan Libiya wo, anubɛ Kenan.

1 Ko-Kɔrɔta-Karan 1:11

Hamala den Iyipiti, wo ya den-kei mɔgɔ wɔrɔnfila sɔrɔn, Ludin wo, Anam wo, Lehabi wo, Nafitu wo,

1 Ko-Kɔrɔta-Karan 1:17

Nowala den Sɛma, wo ya den-kei mɔgɔ loli sɔrɔn, Ilam wo, Asuri wo, Arafakasada wo, Ludi wo, anubɛ Aram. Sɛmala den Aram, wo ya den-kei mɔgɔ nani sɔrɔn, Yusi wo, Hali wo, Keta wo, anubɛ Masɛki.

1 Ko-Kɔrɔta-Karan 1:8

Nowala den Hama ya den-kei mɔgɔ nani sɔrɔn, Kusi wo, Iyipiti min tɔgɛ fanan Misiram wo, Libiya min tɔgɛ fanan Put wo, anubɛ Kenan.

Keninteya-Siginu 4:4

I kan kin, ado a makirinɛ kan-na-fan la iko Mansa Dawudata nyamanɛ kumafɛlɛn-bɛndɛ-layan-bɛ makirinɛ kɛlɛ-kurugbaya nɛgɛ-lufɛ waga kelen min na.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 46:9

Wo ni soeenu naburi wɛ kɛ. Kirindinu gbɛ ni to. Ini kɛlɛ-dannu nata. Sudan kɛnu anubɛ Libiya kɛnu si nɛgɛ-lufɛnu bi. Lidiya kɛnu si kalɛnu tasagan.”

Isikiyɛli 26:17

Anu si saya-sigi kɛ sa Taya kɛnu ye ko, So-makawanɛ kɛ ara kasara. Ala yi-kuma-kulɔnnu bara firan yi kuma. So-burɔ-mɔgɛ kɛnu ya kɔgɔ-yi don anuna marɛ kɔrɔ nun gbede-gbede! Kɔgɔ-yi-dafɛ-sigilɛnu ya wo bɛɛ kumakɔ.

Isikiyɛli 27:11

Arifadi kɛlɛ-dannu ya Taya so-tarɛ kandan. Kamadi kɛlɛ-dannu ya nyamanɛ kumafɛlɛn-kan-tina-layan-bɛnu kandan. Anu ya anuna nɛgɛ-walannu dun Taya so-dandannu ma. Anu denu denu ya Taya soe mafɛlɛn lakinya.

Isikiyɛli 30:5

“N ya kɛlɛ-dan minnu masan Sudan, Libiya, Lidiya, Arebiya, anubɛ Kubi nyamanɛnu tɔ, kɛlɛ wo si wonu faga. Hali n nyɛrɛta mɔgɛ donu si taran mɔgɔ-faganɛ wonu tɛma.

Isikiyɛli 38:5

Pasiya kɛnu wo, Sudan kɛnu wo, Libiya kɛnu wo, wonu dama sɔnɛ a fɛ. Kɛlɛ-kɛ-fulɛ anubɛ nɛgɛ-walan ye anu dama bolo.

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Nehami 3:9

Tibisi soe kɛ, Sudan nyamanɛ tora ale le kɔrɔ. Iyipiti mumɛ fanan tora ale le kɔrɔ. Ata sɛnbɛ-dan ma taran. Anubɛ Puti kɛnu anubɛ Libiya kɛnu tora ko-kelen tɔ.