Isikiyɛli 26:20 - ALLALA KUMƐ

²⁰ N si Taya kɛnu layigi lakira ka anu kofu nyɔ-dugurɛn-kɔrɛnu ma. N si a ma, anu ni to dugu-kɔrɔ-soe wo rɔ tolon! Anubɛ furinu si to kirabɔla anu nyɔgɔn fɛ lakira nyɔ. Mɔgɔ-wo-mɔgɔ ti sigi Taya soe burɔ tun. Anu ti sɔ-tina fenfen sɔrɔn tun mɔgɔ-nimɛnu tɛma.

Isikiyɛli 26:20 ပူးပေါင်းရင်းမြစ်များ

Yaburi 27:13

N ya a lɔn serr, ko fɔ n ba to n niyi la ha n ni Marita kɛ-nya-nyimɛ yen n yɛ la.

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Aiseya 14:10

Anu bi anu kan nabɔla a ma ko a rafaganɛ iko anu denu. Anu ko fen kelen de anu dama la.

Aiseya 14:9

“Lakira ara fɔlɔla a bole sala Babilɔn mansɛ kɛ bolo tɔ. Mɔgɛ minnu sɛnbɛ kolo duninya rɔ nun, wonu yiyɛ ye ale mansɛ labɛnna. A mansɛnu yiyɛ si sɔ anuna mansaya-waganɛ rɔ.

Aiseya 4:5

Wo kɔma, Mari si banda-fin-gbɛ lana tele rɔ Yerusalɛm kuma anubɛ min bɛɛ ladɛnnɛ nyɔ. Wo si ma ta-mɛlan anubɛ ta-sisi la suyi rɔ. Allata gbiliyɛ si soe yamatogon ka a lakanan.

Aiseya 59:10

Ma manɛ iko fiyɔn minnu bi anu bole mɛmɛla dandan ma. Ma ye kilɛ nyinina iko mɔgɛ min ya sa. Ma ye ma kian latugula tele tɛma iko surɔ-tagamanɛ. Ma manɛ kolo-gbɛlɛnu tɛma iko furi.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Nimisa Koe 3:6

A ya n to pinpi-makilanni-bɛ rɔ iko mɔgɔ-fagani-kɔrɛ minnu bi kanbɛ rɔ.

Isikiyɛli 31:14

Woletɔ, ka a dabira bi ma, kɔlɔma-wo-kɔlɔma ti taran min si yanya ka ke wo rɔ hali yi taranta a kɔrɔ duk! Kɔlɔma wo-kɔlɔma ti yanya tun ka tugu banda-finyɛ la. Anu dama si faga iko hadama-dan. Anu si kofu anu ta-nyɔgɛnu ma lakira.

Isikiyɛli 39:7

N si a ma serr, nta Isirɛla mɔgɛnu si a lɔn ko n tɔgɛ sɛninyanɛ. N ti sɔn n tɔgɔ-lafɛya-koe ma tun. Wo wa ma tumɛ min, sibolenu si a lɔn wo rɔ ko nde, Mari le Isirɛlata Alla-sɛnimɛ la.”

Emɔsi 9:2

A ko hali minnu ba denkɛ sin fɔɔ lakira, a si wo bira nyɔ. Hali minnu yɛlɛta san ma pon, a si wo layigi dugi ma.

Yona 2:2

N bi yakɔrɔ-mamɔɛ rɔ tumɛ min, ile Mari ya n dɛnbɛ. N bi lakira tumɛ min, i ya n di-kɛ-kan lamɔɛn.

Yona 2:6

I ya n nayigi kɔgɔ-yi kɔrɔ ha kɛnkɛn dabira tinɛ. Yi kankanta n ma, a tora sɛ, a ni lakira-dɛ latogon n ma. Kɔnɔ ile Mari Alla ya n kɛndɛ labɔ dumɛ wo kuri la ka n nayɛlɛ.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Yilan-Yilan Koe 16:30

Kɔnɔ ni Mari ya kabana-koe do ma wo yala bi, wo ma min nyɔgɔn yen bɛ, wo si a lɔn wo rɔ ko mɔgɛ kɛnu bara anu ban Mari la feu! Dugu-dɛ la si ka anu kɔrɔ ka anu nakunu. Anuna denbayɛ wo, anu bolo-fen wo, wo dama kɛndɛ si yigi dugu kɔrɔ ka ta lakira.”

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Luka 10:15

Kɔnɔ wole Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ!”

2 Pita 2:5

Alla ma fɔlɔ-mɔgɛnu fanan yamasansan. A ya yi-wa-belebele lana mɔgɔ-yogomɛ wonu kuma. A ya minnu kisi, fɔ Nowa anubɛ ala denbayɛ mɔgɔ wɔrɔnfila. Nowa ya kawandili bɔ ka a bɛn telenbagayɛ ma.