Isikiyɛli 26:17 - ALLALA KUMƐ

¹⁷ Anu si saya-sigi kɛ sa Taya kɛnu ye ko, So-makawanɛ kɛ ara kasara. Ala yi-kuma-kulɔnnu bara firan yi kuma. So-burɔ-mɔgɛ kɛnu ya kɔgɔ-yi don anuna marɛ kɔrɔ nun gbede-gbede! Kɔgɔ-yi-dafɛ-sigilɛnu ya wo bɛɛ kumakɔ.

Isikiyɛli 26:17 ပူးပေါင်းရင်းမြစ်များ

2 Samuwɛli 1:19

“E, Isirɛla mɔgɛnu, mala kun-tiginu furi bolokanɛ kɔnkɛnu kuma Isirɛla nyamanɛ rɔ. Mala kɛlɛ-dan minnu kerinte, wonu bara bui.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 23:4

Ile Saidon soe. I wara yarabi pɔ! Hali kɔgɔ-yi-dumɛ-tɛmɛ ara a ban i la. Kɔgɔ-yi si a fɔ ko a ma den-wo-den sɔrɔn. A ma den-wo-den makolo.

Aiseya 23:8

Duninya mumɛ bɛɛ ye so-karantan kɛ yilanu gbiliyala nun. Yon ya Taya kɛ tinya-koe rabɛn nun?

Yɛrɛmaya 48:39

Mohabu kɛnu tanyɛnsɛnnɛ ye belenna. A ko bɛɛ ni di bawo anu si na yarabiyi sɔrɔn. A ye nala taranna tonbonyɛ le la, ado anu dafɛ sibolenu bi nala anu mayɛlɛnna. Mari kan le kɛ la.

Yɛrɛmaya 50:23

Babilɔn mara kundu-wɛ la nun ka duninya bɛɛ ratiitii. Kɔnɔ kaka, kundu-wɛ wo ra si nyɛnsɛn gbesenkirin! Sibole bɛɛ kun ma si kɔ ka a tɛgɛ min bi nala mala nyamanɛ wo rɔ.

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Yɛrɛmaya 9:20

Nde, Yɛrɛmaya ya a fɔ wole, Yuda nyamanita musinu ye ko wo ni wo tole masɔ Marita kumɛ la. Wo ni wo tole laka ka ale Mari kan lamɔɛn. Wo ni wola dunmusinu nabila yerelen-tɛgɛ-bole ma. Wo ni wo nyɔgɔn karan mamusi-sigi la.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Isikiyɛli 19:1

Mari ya a fɔ n ye ko n ni kinikini-sigi kɛ sa Isirɛla mansa-bɔn ye.

Isikiyɛli 19:14

Tɛ birara a kuri la ha wo ya a bolɔn anubɛ a gbɔɛnu mintan. A bolon fenfen ma to tun min si ma mansaya-kɔn la. Kinikini-sigi le kɛ la, anu si min sa sayɛ kuma diyi-kɛ la anu bolo.

Isikiyɛli 32:16

Sɛbɛna-kumɛ kɛ si ma kalama la. Sibolo-gbɛrɛ-musinu tenbi dila Iyipiti anubɛ ala mɔgɛnu kasara-nyala ko la, anu bi kalama kɛ bɔla. Nde, i Tigi Mari kan le kɛ la.”

Isikiyɛli 32:2

A ko, “Ile hadama-dan, n sɛbɛna-kumɛ kɛ latenbi Iyipiti mansɛ ma. A fɔ a ye ko a ara a nyɛrɛ lɔn yarɛ la sibole doinu tɛma. Kɔnɔ a mani de dɔrɔn iko banbɛ min si yi ragbesi bɛ rɔ ka dundi tugu a kian la.

Isikiyɛli 32:27

Anu ma anu togon a kin na iko kurugba fɔlɔtɛ minnubɛ anuna kɛlɛ-kɛ-mirannu togonta anu nyɔgɔn fɛ. Anuna faannu sanɛ anu kun kɔrɔ, anuna nɛgɛ-walannu manɛ anu tore la. Fɔlɔ nun, kɛlɛ-kurugbɛ kɛnu denu taranta anu yogenu takilanna.

Yowɛli 1:18

Ninkinu bi wundana bawo bin sa anu bolo anu si min dɔn, ado hali sagɛnu, a gbɛlɛ anu kuma.

Hɔbadaya 1:5

Kankannu ba na suyi rɔ ka kankanyɛ kɛ, anu ba anu wasakara maka bɔn la, anu si ta anu ye worɔ. Kɔn-gbɔɛnu mo-wati wa ke, anu si a monɛnu bɔ a la ka do to nyɔ. Kɔnɔ wole Isɔ kegeyɛnu, Mari ko wo yogenu ti kinikini wole ma wo nya. Anu si wo bolo-kolonya feu! Anu si wo bolo-fan mumɛ bɛɛ bi tɛrr!

Maika 2:4

Wo kɔma, mɔgɛnu si to anu sɔn-kɔrɛ wonu takaranna ka anu ma tamasere la. Mɔgɛ kɛnu si to wole kensunte-kɔrɛnu mayɛlɛn-sigi sala. Mɔgɛ donu bi dila kaka ko, ‘Ma ara tinya pɔ! Mari ara mala kebila-dugi bi ma bolo. A ara a don ma yogenu bolo minnu si ma bira ka ma ma yɔɔnnu na.’ ”

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Yasowa 19:29

Ka bɔ Saidon, dan wo le tara Rema soe ka ta ke ha Taya soe ma. A tara Hosa soe wara la ka ta a labila kɔgɔ-yi ma Akisibu soe da kɔrɔ.