Isikiyɛli 25:3 - ALLALA KUMƐ

³ Anu ni anu tole masɔ nde, wo Tigi Mari kuman-kan la. Anu ya nna Bato-Bon-latinyanɛ yen min kɛ, wo ya anu nasewa. Anu ya Isirɛla nyamani-tinyanɛ yen min kɛ ka a nyamanita-mɔgɛnu fanan yen birɛ rɔ, wo fanan ya anu nasewa.

Isikiyɛli 25:3 ပူးပေါင်းရင်းမြစ်များ

Yaburi 35:21

Anu bi anu dɛ sala a ma ka a fɔ ko, “Ɔn-hɔn! I wara min ma, ma ara wo yen!”

Hɛnkilimaya-Kumɛnu 17:5

Min bi yɛlɛnna bolo-kolɔn ma, wo ara bila a Dali-Mari la. Min bi yɛlɛnna mɔgɔ-magboyanɛ ma, wo fanan si ata tɔrɔyɛ sɔrɔn.

Nimisa Koe 1:7

Mɔgɛ minnu sigi-tina-kɔrɛ ye Yerusalɛm na, wonu bi anu mirila Yerusalɛm sɔ-kinya-kɔrɛ ma. Yerusalɛm yogenu ya a nɔ tumɛ min, sibolo-gbɛrɛ fenfen sa nyɔ min si a dɛnbɛ. A yogenu ya a mayɛlɛnnɛ yen min kɛ, anu tora a mayɛlɛnna.

Nimisa Koe 4:21

Wole, ma yoge Idɔm minnu siginɛ Yusi nyamanɛnu tɔ, wo ni wo yɛlɛn bawo a ti mɛ tun tɔn si sigi wola yɛlan wo la. Wota kasarɛ ye nala wo ma. Wola ko-yogomɛnu si bɔ gbɛ ma. Wo gbu-makolɔn si to miliyɛ bolo.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Isikiyɛli 25:6

“Nde, wo Tigi Mari ko Amonnu bara sewa boloko-yogomɛ-kɛ min kɛ Isirɛla tinya-koe la, anu bara nyagalen-haka-yasɛ dɔn.

Isikiyɛli 25:8

“Nde, wo Tigi Mari ko Mohabu nyamanita-mɔgɛnu bara a fɔ min kɛ ko Yuda kɛnu bara ma iko nyamanɛ toenu,

Isikiyɛli 36:2

anu Tigi Marita sarakanɛ la. Isirɛla yogenu bi anu nyɛrɛ matɔgɔla ko anutɛ le Isirɛla kɔnkɛnu na.

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Sɛfanaya 2:8

Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

Kɛlɛ-Kurugbɛnu 6:3

Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.