Isikiyɛli 25:13 - ALLALA KUMƐ

¹³ Woletɔ n bara a latɛgɛ ko fɔ n ba Idɔm kɛnu tɔrɔ ka mɔgɛ bɛɛ faga anubɛ anuna kolo-fannu. Ka a dabira Tɛma soe ma ha ka ta a sigi Didan soe la, n si nyamanɛ wo bɛɛ tinya pɔ, ado nyɔ-mɔgɛ bɛɛ kunyɛ si to kɛlɛ rɔ.

Isikiyɛli 25:13 ပူးပေါင်းရင်းမြစ်များ

Ko-Dabirɛnu 36:34

Yobabu tenbira tumɛ min, Husihama min bɔra Timannuna nyamanɛ rɔ, wo sigira a gbɛ rɔ.

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

Yaburi 138:7

N nafoonɛ tenbi tɔrɔyɛ la, ile le si n nakanan. N yoge minnu yisi bɔnɛ, i wara i sɔ wonu na. I ya n nakanan ita sɛnbɛ la.

Yɛrɛmaya 25:23

Didan, Tema, anubɛ Busi so-tiginu wo, mɔgɛ minnu si anu kun-sigi wuruya wo,

Yɛrɛmaya 49:13

Mari ara a keli ko mɔgɛ min ba Bɔsira soe tinya-nya yen, wo yisi si tinya bawo a ara ma wula-da-rakolɔn la. Anu si nyɔ-tɔgɛ rakele dankali-kɛ-tinɛ. Nyɔ-dafɛ-so-mɛsɛnu si to tonbonyɛ la tolon! Mari kan le kɛ la.

Yɛrɛmaya 49:20

Mari ko a ara koe min tabɛn Idɔm kɛnu kan ma, hali minnu siginɛ Timan soe burɔ, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 14:8

N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Isikiyɛli 25:16

woletɔ n bara a latɛgɛ ko n si bui Filisitinu ma ka anu ban feu! Min bɛɛ siginɛ Filisitinuna lɛɛ wo rɔ, n si wo bɛɛ kasara pɔ!

Isikiyɛli 25:7

N si anu don sibolo-gbɛrɛnu bolo. Wonu si anuna mirannu kankan anu ma. N si anu halaki ha ka anu sibole bɛɛ ban. Anu ti anu halala-nyamanɛ sɔrɔn tun! Wo si a lɔn wo le ma ko wo Tigi Mari le nde la.”

Isikiyɛli 27:15

Taya kɛnu anubɛ Didan kɛnu ya yilayɛ kɛ anu nyɔgɔn tɛma, ado kɔgɔ-yi-dafɛ-sigilɛnu taranta sogo-ba-nyin anubɛ ɛbɔni-kɔlɔmanu felenna Taya kɛnu ma fan donu na.

Isikiyɛli 27:20

Anubɛ Didan kɛnu ya yilayɛ kɛ kirikɛ-kɔrɔ-sa-kurɛnu na.

Isikiyɛli 29:8

Woletɔ nde, wo Tigi Mari ye a fɔla anu ye ko n si a ma, mɔgɛnu ni na anu kɛlɛ faan la. Ala mɔgɛ anubɛ ala kolo-fan dama kunyɛ si to-a-rɔ.

Isikiyɛli 32:29

“Idɔm mansɛnu anubɛ a mɔgɔ-banu fanan bi lakira nyɔ. Fɔlɔ nun, mɔgɔ-makawanɛ le anu na kɔnɔ kaka, anu bara kofu Alla-lɔnbɛlɛ kɛlɛ-dannu ma lakira minnu kunyɛ tora kɛlɛ rɔ.

Isikiyɛli 35:3

Nde, i Tigi Marita kumɛ latenbi anu ma ko Idɔm mɔgɛnu yogo-fin-bɛ le nde, Mari la. N si anuna nyamanɛ ma nyamani-halakinɛ la pɔ!

Isikiyɛli 35:9

N si a ma nyamani-halakinɛ la tolon, ado mɔgɔ-wo-mɔgɔ ti sigi ala soenu tɔ tun! Wo wa ma tumɛ min, anu si a lɔn wo le ma ko Mari le nde la.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Emɔsi 1:12

Mari ko a si tɛ layigi Timan soe kuma ka Bɔsira soe anubɛ a tarɛ mintan wo warɛ nyɔ.” Amon Mɔgɛnu

Hɔbadaya 1:9

Wola kɛlɛ-kurugbɛnu kun ma si kɔ Idɔm nyamanɛ rɔ. Wola kɛlɛ-dannu dama si faga tɛrr!

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.