Isikiyɛli 24:24 - ALLALA KUMƐ

²⁴ A ko wo si a ma iko nde fanan bara a ma nya min kɛ la. Kɛ si ma tamasere la wo ye. A ko kɛ dama wa ma wati min, wo si a lɔn worɔ ko wo Tigi Mari le ale la.”

Isikiyɛli 24:24 ပူးပေါင်းရင်းမြစ်များ

Aiseya 20:3

Anu ban Asadadi soe birala, Mari ya a fɔ ko nde, ata wɔli-kɛla Aiseya ye tagamana n kin-takolɔn anubɛ n gbu-makolɔn san sawa kɔrɔ. Mari ko min bi nala mala Iyipiti anubɛ Sudan ye, wo tamasere le kɛ la.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Yɛrɛmaya 17:15

Yuda mɔgɛnu bara nɔrɔ n manyinikɛ ma fantin! Anu bi tola n mayɛlɛnna ko, “Marita wɔlɔyiya-kumɛ kɛ ye kama? Nba, a ni bɔ-a-la ma yala.”

Isikiyɛli 12:11

A fɔ anu ye ko ile ara min ma, tamasere le wo la anu ye ko n bi wo le sufa mala anu na. Anu si ma kɛlɛ-kɔrɔ-maburilɛnu na, ado kɛlɛ si anu bira.

Isikiyɛli 12:6

I ni ila dunɛ wo dun i kɛɛ la ka ta suyi rɔ pinpi rɔ. I ni i yɛ lakiri alako i kana na i kin-kɔrɛ yen. I ye min dama mala, tamasere le wo la Isirɛla mɔgɛnu ye.”

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Isikiyɛli 20:44

N ti anu bira iko anu kɛ-nya-yogomɛ ye nya min kɔnɔ n si anu bira hakikɛ min kɛ, wo si a ma, n tɔgɔ ni gbiliya mɔgɛnu bolo. Isirɛla mɔgɛnu si a lɔn wo le ma ko anuta Mari le nde la. Wo Tigi Mari kan le kɛ la.”

Isikiyɛli 25:11

N si Mohabu kɛnu tɔrɔ woletɔ anu si a lɔn ko Mari le nde la.

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Isikiyɛli 25:17

N si anu tɔrɔ kosɛbɛ ka n tayili sara anu na. Anu si nna yisi-bɔɛ lɔn. Wo kɔma, anu si n lɔn Mari la, yɔ!”

Isikiyɛli 25:5

N si anuna so-karantan Raba ma nyomɛnu namara-tinɛ la, ado n si ale Amon nyamanɛ bɛɛ ma sagɛnu namara-tinɛ la. Ka a tɛgɛ wo ma, anu si a lɔn wo le ma ko Mari le nde la.

Isikiyɛli 25:7

N si anu don sibolo-gbɛrɛnu bolo. Wonu si anuna mirannu kankan anu ma. N si anu halaki ha ka anu sibole bɛɛ ban. Anu ti anu halala-nyamanɛ sɔrɔn tun! Wo si a lɔn wo le ma ko wo Tigi Mari le nde la.”

Isikiyɛli 4:3

I ni nɛgɛ-walan do sɔ wobɛ so-ladannɛ wo tɛma sansanyɛ la. Soe wo min nadannɛ bulɔku wo ma i bolo, i ni i ya-lamunun wo la. Soe wo si taran de kɛlɛ kɔrɔ, ado a si ma iko ile le ye soe wo kɛlɛ tinɛ. I bolo gbɛ kɛnu si ma tamasere la Isirɛla mɔgɛnu ye.

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Isikiyɛli 7:27

Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Luka 21:13

Wo si ma lafɛrɛ la wo ye ka kibara-nyimɛ lake.

Yɔni 13:19

Yanni kɛ wati ni ke tumɛ min, n bi kɛ fɔla wo ye, woletɔ a wa ke tumɛ min, wo si la a la ko, ‘Ale, wo mɔgɛ le nde la.’

Yɔni 14:29

N bara kɛ fɔ wo ye kaka, yanni wo bɛɛ ni kɛ. Wo wa kɛ tumɛ min, wo si la a la.

Yɔni 16:4

N bara kɛ fɔ wo ye, woletɔ anu tenbi koe kɛnu mala wo la tumɛ min, wo si wo yili to nna kumɛ kɛnu ko.” “Fɔlɔ-nun, n ma koe kɛnu fɔ wo ye bawo n bi wo fɛ wo wati rɔ.