Isikiyɛli 24:21 - ALLALA KUMƐ

²¹ a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Isikiyɛli 24:21 ပူးပေါင်းရင်းမြစ်များ

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

Yaburi 105:4

Wo ta wo makoenu na Mari wara, ale le si wo dɛnbɛ. Wo ni to ale le kelen pe batola burubukai!

Yaburi 132:8

Mari, tɔn-kenkirɛ min bi ila sɛnbɛ-tamasereyɛ la, na wo la i Bato-Bɔn la. Nba, i ni na i mayigi nyɔ.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 74:7

Wo kɔma, anu ya i Bato-Bɔn tinya ka tɛ tugu a la. Mɔgɛnu bi i batola kan tinɛ wo min tɔ, anu bara nyɔ latinya.

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Yaburi 84:1

E, Mari Sɛnbɛ-Bɛɛ-Tigi, i Bato-Bɔn di n ye kosɛbɛ!

Yaburi 84:3

Hali nananu bi anu nyagan sala ita saraka-mintan-tinɛ dafɛ. Anu bara le nyɔ la. Anu bi anuna dan sɔrɔnna nyɔ le. Mari Sɛnbɛ-Bɛɛ-Tigi le ile la, nta mansɛ anubɛ nta Alla, kɔni.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Aiseya 65:11

Mari ko wole minnu bara wo kan-kɔ sɔ ale Mari la, wo si tɔrɔ bawo wo ara nyina ata kɔnkɔ-sɛnimɛ ko. Wo ye bɛsɛ minnu kɔla, kelan tɔgɛ le, “Hɛrɛ.” Wo ye doi min kɔla, wo fanan tɔgɛ le, “Ko-latɛgɛnɛ.”

Yɛrɛmaya 6:11

Kɔnɔ n dɛ la ara fa Marita fondo-bɔɛ la. N ti ke a birala n tɔ tun. Mari ko ala fondo-bɔɛ ni bon dennɛnu ma minnu bi tolonna soe tɔnkɔnnu tɔ. A ni bon kemini-mɛsɛnu ma minnu nadɛnnɛ kan-tina-kelen. Ala fondo-bɔɛ si keinubɛ ala nyaganɛ bira anu nyɔgɔn fɛ. A si kɛmɔgɛnu anubɛ musu-kɔrɛnu fanan bira.

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Yɛrɛmaya 9:21

Sayɛ ara don wundan la. A ara don mala so-latankanɛnu tɔ. Mala dan minnu bi tolonna luyinu ma, sayɛ ara ban wonu matɔnbɔnna ma kɔrɔ. Keminɛ minnu bi kundɛnna barɛnu tɔ, ale sayɛ ara ta wonu na pon!

Nimisa Koe 1:10

Alla ara a fɔ Alla-lɔnbɛlɛ minnu ma ko anu kana don Bato-Bɔn la, Yerusalɛm kɛnu ya wonu yen donna nyɔ. Fen-kolomɛ minnu bi Bato-Bɔn la, Yerusalɛm yogenu bara ta wo bɛɛ la.

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Nimisa Koe 2:21

A fonike wo, a kinan wo, bɛɛ furi-bolokanɛ ye belenna da-wo-da soe burɔ. Ma yogenu bara ban mala fonikenu tasɔgɔ-sɔgɔla faan la. Ita diminya-belebele le ya a ma, ma yogenu ya ma boso.

Isikiyɛli 23:25

N si a ma, anu ni i tɔrɔ anuna yisi-bɔɛ la bawo nde fanan yisi bɔnɛ i kuma kati! Anu si i sunyɛ anubɛ i tole ka ka ila dannu faga i yala. Anu si wola den-keinu anubɛ dunmusinu kɛndɛ mintan i yala.

Isikiyɛli 23:47

Mɔgɔ-siyamɛ wonu ni anu mabon kuri la ka faannu bi anu kan ma. Anu ni anuna dannu faga ka anuna bɔnnu mintan.

Isikiyɛli 24:16

“Ile hadama-dan, n si ila musi bi i bolo tiriya! Musi wo di i ye i ta-nyɔgɛ bɛɛ ko, ado i yasere-masa-tina sa. I kana di hali ka i ya-yi labɔ,

Isikiyɛli 24:20

Woletɔ nde, Isikiyɛli ya a fɔ anu ye ko, “Mari le kumara n ye

Isikiyɛli 24:22

Wo kɔma, a ko wole fanan si a ma iko nde ara a ma nya min kɛ la. Wo ti wo yakɔrɔ dogon. Wo ti saya-di-kɛlɛnuna fen dɔn.

Isikiyɛli 24:25

Mari ko, “Nba, ile hadama-dan, anu wasinɛ Bato-Bɔn tagbɛlɛ min tɔ, n si wo bi anu bolo, ado nyɔ di anu ye ka ta a mafɛlɛn. N si anuna dannu toronde anu na.

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 7:24

Sibole minnu wunduyogo hoo, n si wonu natugu wo ma ka wola bɔnnu bi wo bolo. Sibolo-gbɛrɛnu ba wola bato-tinɛnu natinya, n si a ma, wola kolo-gbɛlɛnu yigi si tɛgɛ gbede!

Isikiyɛli 9:7

Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Hoseya 9:16

Wole Isirɛla mani de iko kɔlɔma min suli ma yigi-wɛ kɛ, wo wa gbala, ado a ti gbɔ. Wole fanan ti gbɔ ka den-wo-den sɔrɔn. Hali a taranta, wonu ni dan sɔrɔn, n si wo diyana-dan wonu kan keri paun!”

Saraka-Masɔlɛnuta Tɔnnu 26:19

Ni wo ya wo nyɛrɛ kɔrɔbi, n si na n bɔ wo kɔrɔ. N ti bandɛ lana wo ye woletɔ wola duginu si gbɛlɛya iko fara-kole.

Malakayi 2:12

Minnu bi kɛ sufa mala, alamɛ Mari ya wonu bɔ wo kurun tɔ, ado ni mala nyamanita-mɔgɛnu nara min na Mari Sɛnbɛ-Bɛɛ-Tigi ye, anuta mumɛ kana taran tun saraka-bɔ-koe rɔ.