Isikiyɛli 24:18 - ALLALA KUMƐ

¹⁸ Tele wo nyɛrɛ sɔgɔma, nde, Isikiyɛli ye kumala mɔgɛnu na nun. Wo wulɔn wurɛ la, nna musi tɛgɛra a ma. Wo banda kɛ subaga ma, n ya a ma iko Mari ya a fɔ n ye nya min.

Isikiyɛli 24:18 ပူးပေါင်းရင်းမြစ်များ

Isikiyɛli 12:7

N ya a ma iko Mari ya a fɔ n ye nya min. Wulɔn-tele nyɛrɛ rɔ, n ya nna dunɛnu mabɛn iko kɛlɛ-kɔrɔ-maburilɛ. Yanni a la ni fin, n ya woe labɔ nna bon-dandan ma n bole la. N bɔra nyɔ. N ke luyi ma, n ya nna dunɛ dun n kɛɛ la bɛɛ yala. N tara n ye.

Isikiyɛli 24:16

“Ile hadama-dan, n si ila musi bi i bolo tiriya! Musi wo di i ye i ta-nyɔgɛ bɛɛ ko, ado i yasere-masa-tina sa. I kana di hali ka i ya-yi labɔ,

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Isikiyɛli 24:19

Mɔgɛnu bi n nyinikala ko, “Nfenna i sa dila? Kɛ kɔrɛ ye nfen na i bolo?”