Isikiyɛli 24:14 - ALLALA KUMƐ

¹⁴ Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Isikiyɛli 24:14 ပူးပေါင်းရင်းမြစ်များ

Yobu 27:22

Fɔnyɔ ti kinikini anu ma, a si to tugula anu kun na. Hali anu ya anu taya nya-wo-nya, anu kunyɛ ti bɔ a rɔ.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 4:18

A ko wo sɔn anubɛ wo kɛ-nya le wara kasarɛ kɛ lana wo kuma. A ko wo ye tɔrɔla nya min, wo le kɛ la. A ko dumɛ si wo sɔgɔ wo yisi rɔ.

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”

Isikiyɛli 23:24

Anu si na i kan ma kɛlɛ-den-siyamɛ la kɛlɛ-kɛ-kirindinu anubɛ miran-madunu-kirindinu na anu bolo ka bɔ kan tɔ. Anu makirinɛ si a mini i ma nɛgɛ-lufɛnu anubɛ kɛlɛ-kɛ-fulɛnu na anu bolo. N si i don anu bolo. Anu ni i kiti anuta sereyanu na.

Isikiyɛli 23:29

Bawo i gboyanɛ anu ye, i wara tɔrɔ min bɛɛ la, anu si wo bɛɛ bi i bolo. Anu si i mɛlɛn bolokanɛ to ila yɛlɛnyɛ rɔ. Ila kei-koyɛ anubɛ ila yɛlɛnyɛ,

Isikiyɛli 24:15

Mari ya a fɔ n ye ko,

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Isikiyɛli 36:19

N ya anutɛ bɔ tɔn rɔ ka a tɛgɛ anu kɛ-nya-yogomɛnu ma woletɔ n ya anu tanyɛnsɛn nyamani-gbɛrɛnu tɔ.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Isikiyɛli 7:4

N ti n yɛ labelen wola hakɛnu kuma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma woletɔ wo si a lɔn ko Mari le nde la.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Sakaraya 8:14

Mari Sɛnbɛ-Bɛɛ-Tigi ya a fɔ ko wo benbanu bara a ladiminya min kɛ, a ya kasarɛ rabɛn anu kan ma, ado a ko a ma a fonde yɛlɛma mumɛ! A ya a miriya lawɔli.

Yilan-Yilan Koe 11:23

Mari ya Musa manyinika ko, “Ile ara n fanka-dan lɔn wo rɔ, wa? I si a yen i nyɛrɛ yɛ la, ni n bi tonyɛ le fɔla, ka, ni n bi foninyɛ le fɔla. I si wo yen de serr!”

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”