Isikiyɛli 23:5 - ALLALA KUMƐ

⁵ “Hali nna musi le anu na, Ohola tora yɛlɛnyɛ kun na. Asiriya keminɛnu diyara a ye ha ka a dan-natenbi.

Isikiyɛli 23:5 ပူးပေါင်းရင်းမြစ်များ

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

1 Mansɛnu 15:26

A ya hakɛ kɛ Mari la iko a fa ya a ma nya min, ado a ya a ma fanan Isirɛla mɔgɛnu ya hakɛ kɛ.

1 Mansɛnu 21:26

A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 16:7

Yuda Mansa Ehasi ya kilayɛnu nata Asiriya Mansa Pulu ma. A ya a fɔ kilayɛ wonu ye ko ala wɔli-kɛlɛ le ale la. A ko a ni na anubɛ ala mɔgɛnu kunyɛ bɔ gbaran rɔ Siriya mansɛ anubɛ Isirɛla mansɛ bolo.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

Yɛrɛmaya 50:38

Alamɛ tɔn sigira bandɛla nɛ la. Bɛnu ni gbala anu worɔn la todo! Babilɔn nyamanɛ lafanɛ bɛsi-makilannɛnu na, ado anu bara mɔgɔ siyaman nayuwaya.

Isikiyɛli 16:28

I sa wasala yɛlɛnyɛ rɔ min kɛ, i kɛnɛna bilala Asiriyanu fɛ. Wonu fanan sa i wasala.

Isikiyɛli 16:37

Ka a tɛgɛ wo ma, n si i sa-nyɔgɔn-kɔrɛ wo bɛɛ ladɛn kan-tina-kelen. Minnu di i ye wo, minnu gbo i ye wo, wonu si a mini i ma. Wo kɔma, n si i mawuran alako anu ni i lakolɔn yen.

Isikiyɛli 23:12

Wo fanan kei-koyara ha Asiriya mɔgɔ-banu anubɛ nyɔ-kɛlɛ-dannu wara-koe tenbira a kunyɛ kɔma. A so-laburila wo, a kɛlɛ den wo, bɛɛ fonike ado kɛlɛ-duruku-nyimɛ donnɛ anu kan na.

Isikiyɛli 23:16

Musi kɛ ya mɔgɔ-ba kɛnuna muninyɛ yen dandan ma tumɛ min, wonu sɔgɛ ya a bira kosɛbɛ! A ya kilayɛnu nata Babilɔn mɔgɔ-ba kɛnu ma ka anu kele.

Isikiyɛli 23:20

A taranta musu-kotɛ keinu denu nyinina alako wonu ni to anu sala a fɛ tun tun. Keminɛ minnu yatelenmɛ manɛ iko sofɛlɛtɛ, wonu denu di a ye. Minnu keiya-yi fanan manɛ iko so-keitɛ, a ye nyinina wonu denu sufa ma.

Isikiyɛli 23:4

Sunkurun-kinamɛ wo tɔgɛ le Ohola. A dɔgɔmɛ tɔgɛ le Oholiba. N ya wonu filɛ furu. Anu ya dannu sɔrɔn n ye. Samariya soe tamasere le Ohola wo la. Yerusalɛm soe tamasere le Oholiba wo la.

Isikiyɛli 23:7

A ara a nyɛrɛ latenbi Asiriya kɛlɛ-kurugbɛnu ma, ado ala nata wo le wara a ma, a ara a nyɛrɛ latinya Asiriya bɛsɛnu kɔ-koe la.

Isikiyɛli 23:9

Woletɔ nde fanan ya a latenbi ala Asiriya keminɛ wonu ma bawo wonu di a ye kati!

Hoseya 10:6

Anu si ta bɛsɛ wo la Asiriya nyamanɛ rɔ anuna mansɛ sanbayɛ la. Wole Isirɛla mɔgɛnu si miliya wo rɔ ka a tɛgɛ wola lanayɛ ma bɛsɛ wola ko la.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.